Azerbajxhani zgjedh TAP-in për të sjellë gaz në Evropë, përmes Shqipërisë

Tiranë- Gazsjellësi Trans-Adriatic Pipeline (TAP), është zgjedhur si projekti fitues për të bërë transportin e gazit në Evropë përmes Shqipërisë. 

TAP-i është gazsjellësi për të cilin ka lobuar shumë fort kryeministri Sali Berisha, i cili ka shkruar disa herë në Azerbajxhan pikërisht në mbrojtje të TAP-it, i cili konkuronte me projektin Nabucco, i cili përjashtonte Shqipërinë nga trajektorja e tij.

Gazeta IDEA mësoi se vendimi është marrë nga aksionerët e fushës gazmbajtëse në Azerbajxhan, pjesë e së cilës është edhe shteti azer.

Vendimi u mor në datën 24 qershor dhe presidenti i Azerbajxhanit Aliev ka njoftuar zyrtarisht presidentin e Komisionit Evropin, Barroso se kemi përzgjedhur projektin TAP.

Vendimi u shpall nga konsorciumi Shah Deniz – BP, kompani shtetërore azere. TAP-i kalon gazin e Azerbajxhanit përmes Greqisë dhe Shqipërisë dhe detit Adriatik për të në jug të Italisë.

Bashkimi Evropian, i cili është duke u përpjekur për të reduktuar varësinë e saj nga gazi rus gazin dhe për të diversifikuar burimet e saj të furnizimit, kishte mbështetur edhe rivalin Nabucco, duke i cilësuar si dy projekte që konkurrojnë për 10 miliardë metra kub të gazit të Azerbajxhanit, si pjesë e Korridorit Jugor të Gazit.

Aksionarët e TAP-it janë zviceranët e AXPO (42.5%), Statoil i Norvegjisë (42.5%) dhe E. ON Ruhrgas i Gjermanisë (15%). Anëtarët e konsorciumit Shah Deniz kanë mundësi për t’u bashkuar me TAP-in, tani që ai u zgjodh, si rrugë e transportit të gazit në Evropë.

Ndërkohë, ekspertët kanë thënë se Nabucco dhe TAP-i duhet të punojnë së bashku, pavarësisht nga cili projekt fiton.