Opozita: Berisha premtoi ne Bruksel realizimin e reformave

Shqiperia mori vleresime dy dite me pare nga Keshilli i Ambasadoreve te NATO-s per anetaresim ne kete strukture, por mosrealizimi i reformes ne drejtesi dhe asaj zgjedhore, mbeten ende shkopinjte nen rrota. Dy pjesetaret e opozites ne delegacionin qeveritar te Brukselit, Ilir Meta dhe Ylli Bufi pranuan se Shqiperia u vleresua per progresin kryesisht per situaten politike. Por nga ana tjeter, mungesa e reformave u paraqit si rrezik per marrjen e fteses per NATO, ne Samitin e Bukureshtit, ne Prill. "Nga ambasadoret u theksua, qe prania e Shqiperise ne NATO, absolutisht eshte e lidhur ngushte me reformen zgjedhore. Sepse nje vend i futur ne NATO, duhet te realizoje patjeter zgjedhje te lira dhe demokratike dhe garancia e pare per kete eshte reforma zgjedhore", tha nenkryetari socialist i Kuvendit, Ylli Bufi. Sipas tij, eshte e nevojshme qe menjehere ne Kuvend te kalohet ligji per organizimin e pushtetit gjyqesor, pjese e paketes se reformes ne drejtesi. Po keshtu, te percaktohen termat afatmesem ne ceshtjet qe lidhen me reformen ne drejtesi si dhe te zhbllokohet reforma zgjedhore. "Duhet te biem dakord ne parim, nen per nen per ceshtjen e sistemit zgjedhor dhe themi qe te dy keto ceshtje mund te realizohen brenda muajit shkurt dhe ne si opozite do te insistojme, qe mbeshtetja jone politike te shikohet ne kuadrin e realizimit brenda muajit shkurt te dy ketyre aspekteve", tha Bufi. Ai ka nenvizuar se Berisha kishte premtuar ne Bruksel per realizimin ne kohe te ketyre reformave. Po keshtu edhe Ilir Meta, kreu i LSI, vuri ne dukje se ne takimet e zhvilluara ne Bruksel u vu re nje predispozicion maksimal te Aleances per ta ftuar Shqiperine qe te anetaresohet ne Samitin e ardhshem te Bukureshtit. "Por kuptohet qe gjithcka do te varet nga mbajtja e atyre angazhimeve qe pala shqiptare, e sidomos kryeministri Berisha, bene edhe gjate ketij takimi, lidhur me progresin e reformes elektorale dhe asaj ne drejtesi", tha Meta.
R.R.