BJELLORUSI – Lukashenko fiton mandatin e shtatë presidencial

MINSK, 27 janar /ATSH-DPA/ – Në një palë zgjedhje presidenciale, të cilësuara si një farsë dhe fyerje ndaj demokracisë, Alexander Lukashenko ka siguruar një mandat të shtatë në pushtet për të zgjatur 30 vitet e sundimit të tij mbi Bjellorusinë.

Media shtetërore raportoi se 70-vjeçari Lukashenko, një aleat i ngushtë i presidentit rus Vladimir Putin, mori 86,8% të votave, sipas rezultateve paraprake të shpallura nga komisioni zgjedhor.

Me politikanët e opozitës ose në mërgim ose të burgosur, dhe katër kandidatët alternativë që shiheshin si shtesa të miratuara nga shteti në zgjedhjet e manipuluara, u pa si e pashmangshme që Lukashenko të merrte një mandat tjetër pesëvjeçar në presidencë.

Rreth 6,9 milionë njerëz kishin të drejtë të votonin në ish-republikën sovjetike të lidhur ngushtë me Moskën.

Pjesëmarrja në votime u raportua në 85,7%, sipas rezultateve paraprake./ a.jor.