BSH, gati nxjerrjen në qarkullim të kartëmonedhës me vlerë 2000-lekëshe

Banka e Shqipërisë, duke filluar që nga fundi i këtij viti, do të hedhë në qarkullim kartëmonedhën e re me vlerë nominale 2000 lekë, ndërkohë që është rishtypur e gjithë seria ekzistuese. Burime zyrtare nga Banka e Shqipërisë bënë të ditur se e gjithë sasia e kartëmonedhave të rishtypura, si dhe ato të prerjes 2000 lekë, është e pajisur me elementet më moderne të sigurisë. Ndërkohë, ekspertët e BSH-së sqarojnë publikun se prerja e re është një rregullim i strukturës aktuale, duke plotësuar një boshllëk të madh midis dy prerjeve ekzistuese me vlerën nominale më të madhe.

21 Dhjetor 2008