Bajerni i Mynihut kërkon Rud Van Nistelroin

Drejtori i përgjithshëm i Bajernit të Munihut, pohoi se Rud Van
Nistelroj dëshirontë bashkohet me Bajernin e Mynihut dhe jo me Realin e Madridit.
Sulmuesi holandez është lënë në pankinë te skuadra e Mancester Junaitid qysh prej muajit shkurt 2006 pas ndeshjes së Kupës së Ligës Angleze kundër Uiganit.
Karriera e tij në "Old Trafford" duket se ka marrë fund. Lajmet nga Spanja pohojnë se bosi i ri i Realit, Fabio Kapelo e dëshiron holandezin për të qenë pjesë e revolucionit të tij te Reali i Madridit.
Drejtori i Bajernit, Rumenige, pretendon se 29-vjecari dëshiron të luajë futboll në Bavari sezonin e ardhshëm.
"Lojtari dëshiron të vijë në Munih" pohoi Rumenige për gazetën gjermane "Bild am Sonntag".
Rumenige pohoi se skuadra kampione e Bundesligë do të përpiqet të bisedojë me "Djajtë e kuq" dhe Van Nistelroin për të mbyllur transferimin. Nëse tratativat nuk do të përfundonin me sukses atëhëre Bajerni do të kërkojë të rekrutojë sulmuesin spanjoll të Ateltikos së Madridit, Fernando Torres.