Balla-Berishës: Strategjinë antikorrupsion e ke lënë në sirtar
TIRANE - Në kuadër të interpelancës me kryeministrin Berisha për strategjinë antikorrupsion, deputeti i PS-së Taulant Balla e cilësoi të dështuar programin e qeverisë “Me duar të Pastra”. Sipas Ballës, strategjia antikorrupsion 2008-2013 e hartuar nga qeveria ka mbetur në sirtar, si shumë premtime të tjera.
“E vetmja që mund të mbahet mend nga kjo strategji janë dy numra telefoni që nuk u përgjigjen kurrë. E kam provuar gjithë ditën nuk punon por ka nja 3 vjet që nuk punon fare. A caktuat ndonjëherë fonde për këtë qëllim, a u shpërblye ndonjë qytetar që denoncoi korrupsionin.”- u shpreh Balla nga foltorja e Kuvendit.
Deputeti socialist iu referua edhe raporteve vjetore te organizatës Transparency International, duke theksuar se indikatori i korrupsionit në vend është përkeqësuar në vitet e fundit.
Balla e nisi fjalën e tij me vendimin e gjykatës për të pandehurit e tragjedisë së Gërdecit, të cilin e cilësoi si një tragjedi të dytë për familjarët e viktimave, por u ndërpre nga kryetarja e Kuvendit, me pretendimin se kjo çështje nuk përputhej me temën për të cilën ishte kërkuar interpelanca.
(vijon)
“E vetmja që mund të mbahet mend nga kjo strategji janë dy numra telefoni që nuk u përgjigjen kurrë. E kam provuar gjithë ditën nuk punon por ka nja 3 vjet që nuk punon fare. A caktuat ndonjëherë fonde për këtë qëllim, a u shpërblye ndonjë qytetar që denoncoi korrupsionin.”- u shpreh Balla nga foltorja e Kuvendit.
Deputeti socialist iu referua edhe raporteve vjetore te organizatës Transparency International, duke theksuar se indikatori i korrupsionit në vend është përkeqësuar në vitet e fundit.
Balla e nisi fjalën e tij me vendimin e gjykatës për të pandehurit e tragjedisë së Gërdecit, të cilin e cilësoi si një tragjedi të dytë për familjarët e viktimave, por u ndërpre nga kryetarja e Kuvendit, me pretendimin se kjo çështje nuk përputhej me temën për të cilën ishte kërkuar interpelanca.
(vijon)