Banda “Kanun” merr 125 vite burg nga Gjykata e Faktit
14/12/2004
DURRES - Gjykata e Faktit Durrës ka lënë në fuqi kërkesën e
prokurorëve të procesit “Kanun”, duke vendosur të
dënojë me nga 25 vite heqje lirie pjesëtarët e kësaj
organizate. Trupit gjykues, i kryesuar nga gjyqtari
Ndue Gjura, i ka mjaftuar më pak se 24 orë kohë për të
përpiluar dhe shpallur vendimin dhe duke i dhënë fund procesit, që ka zgjatur për 18 muaj. Seanca u zhvilla në masa të forta sigurie, ku blutë e Durrësit zbrazën të tre katet e gjykatës dhe më pas kontrolluan imtësisht të gjithë të pranishmit në gjyq.
Vendimi i trupit gjykues
Gjyqtari Ndue Gjura ka lexuar për mëse 1 orë vendimin e përpiluar në 27 faqe, duke shpallur fajtor të ndaluarit Arjan Kapo, Arben Plaku, Rudin Çalliku, Leonard Kolgjini dhe të dënuarin në mungesë, Agim Kolgjinin. Trupi gjykues ka pranuar të marrë si provë materiale letërporosinë e sjellë nga prokuroria e Gjenovës, Itali, dëshmitë e tetë prostitutave shqiptare, moldave, ruse e çeke, ku dëshmitë e motrave Vuthi kanë qenë enkas për pesë të akuzuarit e këtij procesi. Në të njëjtën kohë, gjykata, për shpalljen fajtor të tyre, është mbështetur edhe në 182 CD të përkthyera në gjuhën shqipe, të cilat janë regjistruar në Itali gjatë përgjimit të telefonatave të të implikuarve në një rrjet të madh trafikimi femrash, prostitucioni e bande të armatosur si dhe raportet e shërbimit të policisë italiane. Për gjyqësorin, pesë të akuzuarit e dënuar dje, aktiviteti kriminal i tyre është zhvilluar në Piza, Bolonja, Kazerta, Lavanja, Trevizo dhe Milano dhe se në këtë rrjet janë të implikuar edhe 104 persona të tjerë, ku thuhet se 100 prej tyre janë shtetas shqiptar. Fillimisht, procedimi penal me nr.22-182/00 ka filluar në Gjenova. Ndërsa të gjykuarit në Durrës janë arrestuar më 19 korrik 2002, vetëm dy ditë pasi Prokurorinë e Përgjithshme shqiptare e vizitoi kreu i Antimafias italiane, Vinja.
Trupi gjykues shpalli fajtorë Kapon, Plakun, Çallëkun
dhe vëllezërit Kolgjini, për veprën penale të rrëmbimit
të personit, krijim bande të armatosur, shfrytëzim
prostitucioni e falsifikim dokumentesh, ndërkohë që ka
rrëzuar akuzën e favorizimit për kalim të paligjshëm
të kufirit dhe pas bashkimit të neneve, parashikuar në
nenin 55 KP, i dënoi me 125 vite burg të gjithë së
bashku.
Mbrojtja: Vendimi i
diktuar nga italianët
Avokatëve u është dukur i padrejtë dënimi i dhënë nga
Gjykata e Faktit. Trupi gjykues, sipas avokatit Neshat
Fana, është vendosur para një alternative, ose të
pranojë të dënojë të gjithë të akuzarit, në mënyrë të
barabartë, ose të shpallë të gjithë së bashku të
pafajshëm. Nga ana tjetër, ai thekson se trupi gjykues nuk ka mundur të vërtetojë asnjë nga akuzat. Mbrotja dhe
të akuzuarit kishin kërkuar pafajësi dhe drejtësi,
ndërkohë që Fana ka deklaruar se trupi gjykues e
kishte të përgatitur vendimin para se avokatët të
bënin mbrojtjen. “Nuk ka asnjë mundësi që një material
me 27 faqe, që përbën edhe vendimin përfundimtar të
gjykatës, të përgatitet në më pak se 24 orë, ndërkohë
që vet organit të akuzës për të dhënë pretencës i
është dashur një muaj e gjysmë”, tha Fana. Një ndër
justifikimet, që ka sjellë pala mbrojtëse, është edhe
fakti se procesi ka qenë shumë i ndërlikuar dhe se nuk
ka ndodhur e as nuk mund të ndodhë që vendimi për të
tilla akuza, të dalë vetëm një ditë pas shprehjes së
mbrojtjes. Sipas tij, trupi gjykues as që është marrë
me materialin e paraqitur nga mbrojtja dhe se ka shumë
të mundur që ajo ka qenë e diktuar nga drejtësia
italiane për të dënuar me burg pesë të gjykuarit në
Durrës. Avokati ka thënë gjithashtu se “Drejtësia e
Gjenovës e cila ka akuzuar afro 100 shqiptarë të
përfshirë në këtë rrjet, ka pritur vendimin e Durrësit
dhe kjo do t’i shërbejë drejtësisë italiane për të
dënuar pa hezitim shqiptarët”.
DURRES - Gjykata e Faktit Durrës ka lënë në fuqi kërkesën e
prokurorëve të procesit “Kanun”, duke vendosur të
dënojë me nga 25 vite heqje lirie pjesëtarët e kësaj
organizate. Trupit gjykues, i kryesuar nga gjyqtari
Ndue Gjura, i ka mjaftuar më pak se 24 orë kohë për të
përpiluar dhe shpallur vendimin dhe duke i dhënë fund procesit, që ka zgjatur për 18 muaj. Seanca u zhvilla në masa të forta sigurie, ku blutë e Durrësit zbrazën të tre katet e gjykatës dhe më pas kontrolluan imtësisht të gjithë të pranishmit në gjyq.
Vendimi i trupit gjykues
Gjyqtari Ndue Gjura ka lexuar për mëse 1 orë vendimin e përpiluar në 27 faqe, duke shpallur fajtor të ndaluarit Arjan Kapo, Arben Plaku, Rudin Çalliku, Leonard Kolgjini dhe të dënuarin në mungesë, Agim Kolgjinin. Trupi gjykues ka pranuar të marrë si provë materiale letërporosinë e sjellë nga prokuroria e Gjenovës, Itali, dëshmitë e tetë prostitutave shqiptare, moldave, ruse e çeke, ku dëshmitë e motrave Vuthi kanë qenë enkas për pesë të akuzuarit e këtij procesi. Në të njëjtën kohë, gjykata, për shpalljen fajtor të tyre, është mbështetur edhe në 182 CD të përkthyera në gjuhën shqipe, të cilat janë regjistruar në Itali gjatë përgjimit të telefonatave të të implikuarve në një rrjet të madh trafikimi femrash, prostitucioni e bande të armatosur si dhe raportet e shërbimit të policisë italiane. Për gjyqësorin, pesë të akuzuarit e dënuar dje, aktiviteti kriminal i tyre është zhvilluar në Piza, Bolonja, Kazerta, Lavanja, Trevizo dhe Milano dhe se në këtë rrjet janë të implikuar edhe 104 persona të tjerë, ku thuhet se 100 prej tyre janë shtetas shqiptar. Fillimisht, procedimi penal me nr.22-182/00 ka filluar në Gjenova. Ndërsa të gjykuarit në Durrës janë arrestuar më 19 korrik 2002, vetëm dy ditë pasi Prokurorinë e Përgjithshme shqiptare e vizitoi kreu i Antimafias italiane, Vinja.
Trupi gjykues shpalli fajtorë Kapon, Plakun, Çallëkun
dhe vëllezërit Kolgjini, për veprën penale të rrëmbimit
të personit, krijim bande të armatosur, shfrytëzim
prostitucioni e falsifikim dokumentesh, ndërkohë që ka
rrëzuar akuzën e favorizimit për kalim të paligjshëm
të kufirit dhe pas bashkimit të neneve, parashikuar në
nenin 55 KP, i dënoi me 125 vite burg të gjithë së
bashku.
Mbrojtja: Vendimi i
diktuar nga italianët
Avokatëve u është dukur i padrejtë dënimi i dhënë nga
Gjykata e Faktit. Trupi gjykues, sipas avokatit Neshat
Fana, është vendosur para një alternative, ose të
pranojë të dënojë të gjithë të akuzarit, në mënyrë të
barabartë, ose të shpallë të gjithë së bashku të
pafajshëm. Nga ana tjetër, ai thekson se trupi gjykues nuk ka mundur të vërtetojë asnjë nga akuzat. Mbrotja dhe
të akuzuarit kishin kërkuar pafajësi dhe drejtësi,
ndërkohë që Fana ka deklaruar se trupi gjykues e
kishte të përgatitur vendimin para se avokatët të
bënin mbrojtjen. “Nuk ka asnjë mundësi që një material
me 27 faqe, që përbën edhe vendimin përfundimtar të
gjykatës, të përgatitet në më pak se 24 orë, ndërkohë
që vet organit të akuzës për të dhënë pretencës i
është dashur një muaj e gjysmë”, tha Fana. Një ndër
justifikimet, që ka sjellë pala mbrojtëse, është edhe
fakti se procesi ka qenë shumë i ndërlikuar dhe se nuk
ka ndodhur e as nuk mund të ndodhë që vendimi për të
tilla akuza, të dalë vetëm një ditë pas shprehjes së
mbrojtjes. Sipas tij, trupi gjykues as që është marrë
me materialin e paraqitur nga mbrojtja dhe se ka shumë
të mundur që ajo ka qenë e diktuar nga drejtësia
italiane për të dënuar me burg pesë të gjykuarit në
Durrës. Avokati ka thënë gjithashtu se “Drejtësia e
Gjenovës e cila ka akuzuar afro 100 shqiptarë të
përfshirë në këtë rrjet, ka pritur vendimin e Durrësit
dhe kjo do t’i shërbejë drejtësisë italiane për të
dënuar pa hezitim shqiptarët”.