Banka: Kriza ne Greqi, frenon ekonomine e Shqiperise
Zhvillimi ekonomik i vendit gjate vitit 2010, do te mbeshtetet prej nje situate me te favorshme te ekonomise nderkombetare, e cila do te ofroje nje mjedis me te mire per investimet e huaja dhe do te mbeshtese me mire kerkesen per eksportet e vendit, njofton Banka e Shqiperise per zhvillimet e pritshme ne ekonomine e vendit, gjate vitit ne vazhdim. Megjithate, ky ndikim pozitiv pritet te jete i kufizuar, per shkak te problemeve te shfaqura ne ekonomine greke, konstaton Banka, Nga ana tjeter ne ekonomine e brendshme, zhvillimet e konstatuara gjate vitit 2009 ne lidhje me rritjen e deficitit buxhetor dhe te borxhit te brendshem, uljen e ritmit te kreditimit nga ana e sektorit bankar, dhe nje situate me e ngurte ne ecurine e prodhimit dhe te konsumit, duhet te adresohen shpejt, keshillon autoriteti qendror bankar. Ne kete kuader, eshte e domosdoshme te kontrollohet deficiti buxhetor per vitin 2010, ne nivele qe garantojne respektimin e objektivave te percaktuar ne kuadrin makroekonomik afatmesem, ne lidhje me nivelin e deficitit buxhetor dhe te borxhit publik. Shkurtimi i shpenzimeve, vecanerisht i atyre korrente, duhet te jete instrumenti kryesor ne realizimin e ketij objektivi, ne kushtet kur ecuria e te ardhurave publike mbetet e paqarte dhe potenciali i rritjes se tyre duket i kufizuar, kerkon Banka e Shqiperise ndaj qeverise dhe Ministrise se Financave. Sipas BSH-se, ulja e shpenzimeve publike do te ndikoje ne permiresimin e deficitit te llogarise korrente ne bilancin e pagesave, duke ndikuar pozitivisht ne faktoret qe percaktojne qendrueshmerine e kursit te kembimit. Nga ana tjeter, konsolidimi i financave publike, i pasqyruar nepermjet rivendosjes se prirjes renese te deficitit buxhetor, merr rendesi ne lidhje me mundesine dhe me uljen e kostos dhe normave te interesit ne te gjitha sherbimet bankare, duke permiresuar ne vazhdimesi situaten e likuiditetit ne tregun financiar dhe duke cliruar me shume burime financiare ne sistem, perdorimi i te cilave do te mbeshtese rritjen e kreditimit ne sektorin privat.
Ndikimi
Ekonomia e vendit gjate vitit 2010, do te mbeshtetet prej nje situate me te favorshme te ekonomise nderkombetare. Megjithate, ky ndikim pozitiv pritet te jete i kufizuar, per shkak te problemeve te shfaqura ne ekonomine greke, konstaton banka.