Banka me madhe e globit kerkon shpetim

Qeveria amerikane njoftoi se do te ofroje 20 miliarde dollare per te ndihmuar gjigantin bankar "Citigroup". Javen e kaluar aksionet e "Citigroup"-it, gjigantit qe ka aktivitet ne 100 vende te botes, rane 60%. Qeveria do te garantoje gjithashtu rreth 300 miliarde dollare hua dhe kredi qe konsiderohen me shkalle te larte rrezikshmerie. Marreveshja u arrit pas bisedimeve qe u zhvilluan ne fundjave mes qeverise, Rezerves Federale dhe perfaqesuesve te "Citigroup"-it. Keto fonde jane pjese e paketes 700 miliarde dollaresh, qe u miratua nga Kongresi muajin e kaluar. Nderkohe, keshilltare te larte te Presidentit te sapozgjedhur amerikan, Barak Obama, thone se paketa qe po pergatitet nga administrata e re per te inkurajuar ekonomine, duhet te jete shume me e madhe nga c'u parashikua ne fillim. Gjate fushates presidenciale zoti Obama tha se do te nevojiteshin 175 miliarde dollare. Komentet e keshilltareve te Barak Obames per ceshtjet ekonomike, synojne te percojne mesazhin se administrata e re do te filloje menjehere nga puna, kur te marre zyrtarisht pushtetin ne janar. Ata thone se plani per inkurajimin e ekonomise mund te jete ne permasa te njejta me paketen 700 miliarde dollareshe per shpetimin e sektorit financiar. Ky plan dyvjecare per inkurajimin e ekonomise synon te shpetoje apo te krijoje afro dy milione e gjysme vende pune. Te dielen, senatori i njohur demokrat Charles Schumer, tha se per kete plan mund te nevojiteshin 500-700 miliarde dollare.