"Dosja e Hapur", lirohen tre zyrtare
Tirane- Kater zyrtaret e akuzuar per abuzime me pensionet kane perballur dje me gjykaten e Tiranes. Behet fjale per shtetasit Agim Mema, Zija Mema, Fatbardha Sela e Flora Ceka, te akuzuar per veprat penale te "korrupsionit pasiv te personave qe ushtrojne funksione publike", "shperdorim detyre" dhe "falsifikim dokumentesh". Gjykata e Tiranes caktoi masen "arrest me burg" per shtetasin Agim Mema, zyrtar ne Ministrine e Ekonomise, "arrest shtepie" per Zija Memen, mase kjo me e bute per shkak te moshes se tij 70-vjecare, si dhe "detyrim paraqitje" per Fatbardha Selen e Flora Ceken. Keta shtetas, sipas burimeve nga akuza, rezultojne te kene abuzuar duke perfituar shuma te konsiderueshme parash ne 12 raste te nxjerrjes se pensioneve. Po te njejtat burime bejne te ditur se shkak per fillimin e hetimeve per kater te arrestuarit, kane qene denoncimet publike te drejtorit te Sigurimeve Shoqerore per kryeqytetin, i cili deklaroi se mjaft persona kishin fituar pensione te parakohshme, pa punuar asnje dite ne vendet ku kane dale ne pension.