"Bankers Petroleum", prestigjiozja e nentokes shqiptare Eglantina Nasi

Kompani prestigjioze e nentokes shqiptare. Keshtu mund te cilesohet "Bankers Petroleum", rezultatet financiare dhe operacionale te se ciles, flasin serish per nje ecuri te vazhdueshme pozitive te nxjerrjes se naftes ne Shqiperi. E njohur si kompania kryesore qe operon ne kete fushe tek ne, ajo vazhdon te gjeneroje te ardhura te konsiderueshme prej te cilave shteti shqiptar mbetet perfitues. Duke dhene nga ana tjeter, edhe nje kontribut pozitiv ne permiresimin e treguesve te sektorit shqiptar te hidrokarbureve ne teresi. Referuar konkretisht te dhenave mbi tremujorin e trete 2012, "Bankers Petroleum" raporton se shifra e prodhimit mesatar te naftes nga fusha e Patos-Marinzes gjate kesaj periudhe ka qene 15.616 fuci nafte ne dite, ose 10% me e larte se mesatarja e tremujorit te dyte 2012. Ndersa sa u perket shitjeve te naftes gjate, mesohet se ato kane qene ne nivelin prej 11% me te larta se mesatarja e tremujorit te dyte te ketij viti. Kujtojme nderkaq, se per kete tremujor te fundit, kompania kanadeze "Bankers Petroleum", raportoi serish nje rritje te te ardhurave, me nivelin rreth 3.7% etj. Sic mund te shihet, gjithcka flet per rritje te treguesve financiare dhe operacionale, ndersa drejtuesit e saj, premtojne edhe nje rritje progresive te tyre, pergjate vitit te ardhshem, 2013. Nga ana tjeter, lidhur me shpimet e puseve, te cilat mbeten ne sherbim te nxjerrjes se naftes, te dhenat e datuara prej kesaj kompanie tregojne se jane kryer 35 te tilla gjate kesaj periudhe. Per te vijuar me nje tregues tjeter pozitiv, ate te aksioneve te ujit, per te cilin ekspertet e "Bankers Petroleum" citojne se jane duke vazhduar sipas programit te kontrollit te ujit. Program ky i cili sipas tyre, vazhdon te demonstroje permiresim ne pranine e normes se naftes dhe reduktim te ujit. Kurse sa u perket te ashtuquajturit Bllokut "F", behet me dije se eksplorimet per nafte prane tij, parashikojne shpime ne tremujorin e pare te vitit te ardhshem, 2013. Kujtojme ketu, se "Bankers Petroleum" ka qene edhe e interesuar per privatizimin strategjik te kompanise shteterore te naftes "Albpetrol", duke qene njera nga 14 kompanite e listuara fillimisht per pjesemarrje ne kete proces te rendesishem per sektorin e hidrokarbureve ne vendin tone, cka flet per nje kapacitet te larte te saj. Mjafton te permendim, se vetem gjate vitit 2011, ajo arriti qe te realizoje ne vendin tone nje investim total prej 243 milione dollaresh, shoqeruar edhe me rritje ne sektorin e prodhimit te naftes, prej 33% krahasuar me vitin e meparshem 2010.