Banoret dalin nga ngujimi per festat

Gjirokaster- Banoret e pallatit te shembur ne lagjen "11 Janari" ne qytetin e Gjirokastres kane zhvilluar dje protesten e paralajmeruar para godines ne te cilen jane te vendosura institucionet e Prefektures dhe Bashkise se qytetit. Me parulla ne duar, si "Duam drejtesi!", "Duam demshperblim te plote!", etj., ata kane deklaruar njekohesisht edhe nderprerjen e perkohshme te greves per shkak te festave te fundvitit. Perfaqesuesi i banoreve te ish-pallatit te shembur, Sokrat Papadhopulli, deklaroi se, "ne nuk jemi mbledhur per te sjelle trazira, por me te vetmin objektiv, qe te sensibilizojme edhe nje here institucionet e Prefektures dhe bashkise se Gjirokastres per zgjidhjen e problemit tone, pra te demshperblimit te plote". Ne fund te protestes eshte lene si afat i dyte data 4 janar dhe nese nuk do te merret nje zgjidhje, atehere kryefamiljaret do te ngujohen serish ne germadhat e pallatit te shembur me 9 nentor te ketij viti, ku vdiqen tre banore. "Duke besuar ne deklaraten e Presidentit te Republikes, Bamir Topi, perpara disa ditesh se kerkesat tona do te marrin pergjigjen e duhur, ne prag te festave tradicionale dalim prej kesaj greve, deri ne ditet e para te Janarit 2009 dhe natyrisht pergjithmone nese marrim demshperblim e plote", perfundon deklarata e kryefamiljareve qe lane ne diten e tete greven e nisur. Qeveria dha per familjet nje fond prej 46 milione lekesh, nga 80 milione te kerkuara.

Blerim Kore