Baptista mbetet në Romë

Sulmuesi brazilian, Julio Baptista, ka mohuar spekulimet se synon të largohet nga Roma, gjatë afatit kalimtar të janarit.

28- vjeçari, i cili ka bërë vetëm një paraqitje si titullar, këtë sezon, thuhet se është objektiv i kampionit - Inter. Por, Baptista ka insistuar se nuk pret të largohet nga Roma, gjatë këtij muaji.

“Jam i qetë rreth të ardhmes sime. Pres të mbetem këtu”, deklaroi ai, për uebfaqen zyrtare të klubit. Baptista iu bashkua Romës nga Real Madrid, në verë 2008.