Barack Obama zyrtarisht kandidati demokrat per president

Barack Obama eshte emeruar zyrtarisht si kandidat presidencial per Partine Demokratike. Ne konventen e tyre ne Kolorado, delegatet e Partise Demokratike nga 50 shtete i dhane perkrahjen Obames, duke e bere ate kandidatin e pare presidencial me ngjyre te zgjedhur nga nje parti e madhe amerikane. Senatori Barack Obama, krahas nominimit zyrtar per president te SHBA-se, nga Partia Demokratike, mori edhe nje perkrahje te fuqishme nga ish-presidenti amerikan, Bill Clinton. "Hillary na tha se do te beje cfaredo qe te jete e mundur per te zgjedhur Barack Obamen. Kesaj i shtohem edhe une. Ne fakt, kesaj i shtohen edhe 18 milione nga ne, sepse, si Hillary, edhe une dua qe te gjithe ju qe e perkrahet ate, te votoni per Barack Obamen ne nentor", u shpreh Bill Clinton. Duke thene se po flet nga perspektiva e tete vjeteve te kaluara ne Shtepine e Bardhe, Clintoni renditi dobesite e vendit. Brenda, ai tha se klasa e mesme dhe klasa punetore po vuajne nga ulja e pagave, papunesia, ngritja e kostos se ushqimit dhe e sherbimeve publike; jashte, ai tha se pozicioni i Amerikes ne bote eshte dobesuar shume nga unilateralizmi dhe bashkepunimi shume i vogel. "Eshte e qarte se puna qe duhet te beje presidenti i ardhshem i Amerikes, eshte te rindertoje endrren amerikane dhe te rivendose lidershipin amerikan ne bote. Dhe, me duhet te them se krejt cka kam mesuar per tete vjet si president dhe ne punen qe kam bere ne Amerike dhe bote, me ka bindur se Barack Obama eshte njeriu i duhur per kete pune", theksoi Clinton. Duke kritikuar administraten e deritashme te presidentit Bush, ish-presidenti amerikan deklaroi se endrra amerikane "po mbahet peng" dhe u kerkoi amerikaneve qe te refuzojne kandidaturen e republikanit John Mekein ne zgjedhjet e vjeshtes.