Barazojnë kampionët
Kampioni i Anglisë, Manchester City ka barazuar me atë të Gjermanisë, Borussia Dortmund, me rezultat 1:1, në një ndeshje me plot raste, në kuadër të xhiros së dytë të fazës së grupeve të Ligës së Kampionëve.
Ekipi gjerman ka qenë më i mirë dhe ka krijuar disa mundësi të qindpërqindta shënimi, ndërsa shansin më të mirë e pati Mario Gotze, që qëlloi tërthorësen.
Ndërkaq, golin e avantazhit për verdh e zinjtë e shënoi Marco Reus. Kurse, në fund të takimit, Mario Balotelli i barazoi shifrat nga penalltia, pasi më parë Subotic e preku topin me dorë.
Ndërkohë, Real Madridi u tregua i sigurt ndaj Ajaxit dhe e regjistroi fitoren e dytë. Cristiano Ronaldo ka shënuar tregolësh për ekipin e Jose Mourinhos, kurse një tjetër e shtoi Karim Benzema. Për ekipin holandez, golin e nderit e shënoi Moisander.
Trepikëshit të dytë iu gëzuan edhe Arsenali, Porto e Malaga, që mposhtën Olympiakosin, PSG-në, respektivisht Anderlechtin.
Kurse, Milani e shijoi fitoren e parë, në shtëpi të Zenitit. Dinamo Kievi i Admir Mehmedit ishte më i mirë se Dinamo Zagrebi i Fatos Beqirajt.
Liga e Kampionëve
Grupi A
Rezultatet
Dynamo K. – Dinamo Z. 2:0
Porto – PSG 1:0
Tabela
1. Porto 6 pikë
2. PSG 3
3. Dinamo K. 3
4. Dinamo Z. 0
Grupi B
Rezultatet
Schalke – Montpellier 2:2
Arsenal – Olympiacos 3:1
Tabela
1. Arsenal 6
2. Schalke 4
3. Montpellier 1
4. Olympiacos 0
Grupi C
Rezultatet
Zenit – Milan 2:3
Anderlecht – Malaga 0:3
Tabela
1. Malaga 6
2. Milan 4
3. Anderlecht 1
4. Zenit 0
Grupi D
Rezultatet
Man City – Borussia Dortmund 1:1
Ajax – Real Madrid 1:4
Tabela
1. Real Madrid 6
2. Borussia D. 4
3. Manchester City 1
4. Ajax 0