Barcelona, prodhim vendor

Skuadra e Barcelonës ka regjistruar një tjetër rekord. Por, kësaj radhe nuk bëhet fjalë për ndonjë rekord të golave ose totalit të pikëve.

Ekipi i Tito Villanovës, për herë të parë në histori të klubit gjatë një ndeshje zyrtare pati në fushë komplet 11 futbollistë të dalë nga akademia e klubit, La Masia. Lëndimi i brazilianit Dani Alves në minutën e 13-të të takimit kundër Levantes, bëri që në lojë të inkuadrohet Martin Montoya.

Me aktivizimin e tij, gjiganti katalan krijoi komplet formacionin me ‘prodhim vendor’. Valdes - Montoya, Pique, Puyol, Alba - Iniesta, Xavi, Busquets - Fabregas, Messi, Pedro. Po ashtu nga ky formacion është interesant fakti se vetëm tre prej tyre nuk janë katalanë, Messi, Iniesta dhe Pedro.

Barcelona fitoi 4-0 dhe kështu krijoi avantazh prej 11 pikëve ndaj kampionit në fuqi Real Madrid, kurse vazhdon të ndiqet nga Atletico Madridi që ka tre pikë më pak.