Basha Nuk do te kandidoj per asnje post ne PD

Kryebashkiaku i Tiranes Lulzim Basha deklaroi dje se nuk do te garoje per asnje nga postet e larta ne Partine Demokratike. Ne nje interviste televizive per gazetarin Blendi Fevziu anetari me i votuar i Kryesise se PD-se deklaroi se nuk do te futej ne garen per nenkryetar dhe sekretar te kesaj partie. Nuk kandidoj per asnje nga pozicionet drejtuese ne PD. Do te mbaj premtimin tim per tju perkushtuar qytetareve te Tiranes me kohe te plote theksoi Basha. Ai shtoi se kishte qene entuziazmi per fitoren ne Tirane qe kishte sjelle kryesimin e tij brenda anetareve te Kryesise se PD-se. Kryetari i Bashkise se Tiranes foli dje gjeresisht edhe sa i perket planit te tij per permiresimin e infrastruktures se kryeqytetit. Basha theksoi se ne fundin e ketij muaji bashkia do te bente shpalljen per firmat e huaja qe do te donin te ndertonin shinat dhe pjesen elektrike te tramit te ardhshem te Tiranes. Kryebashkiaku zbuloi dje se ky mjet i shtuar transporti ne Tirane do kishte tri linja dhe stacioni qendror i tramit do te ishte pjesa e Stacionit te Trenit. Sipas Bashes kjo pjese e kryeqytetit do te sherbente edhe si stacion qendror per te gjithe transportin publik. Kryetari i bashkise theksoi se ai do ta rishikonte planin francez te qendres se Tiranes por nuk e konsideroi kete qellim ne vetvete por thjesht per ta pershtatur kete plan me planin e pergjithshem urbanistik te Tiranes. Plani francez per qendren e Tiranes do te rishikohet sepse duhet te shihet ne teresine e rindertimit ne te gjithe kryeqytetin. Nuk eshte qellim ne vetvete por ne favor te planit urbanistik te Tiranes. Basha theksoi edhe se ai i kishte te gjitha mundesite ekonomike per realizimin e planeve ne kryeqytet duke e quajtur ne pergjithesi ekonomine nje gjendje mendore. Ai u shpreh se kishte ne plan te hiqte 60 taksa bashkiake dhe te reduktonte shume te tjera.