Basha vizite ne familjen e Hanke Kites

Kryetari i Bashkisë së Tiranës Lulzim Basha ka zgjedhur që në këtë 100 vjetor, të kujtojë ata që kanë lindur në vitin 1912. Kreu i Bashkisë së Tiranës Lulzim Basha bëri një vizitë në familjen e Hanke Kitës, e lindur me 15 tetor të vitit 1912. 

Znj. Kita, tashmë 100 vjeç ka qenë edhe pjesë e Luftës Nacional - Çlirimtare. Kreu i Bashkisë i ka dhuruar  zonjës Hanke Kita simbolin e 100 vjetorit të Pavarësisë, me mbishkrimin:  “Dëshmitare e 100 viteve të Pavarësisë”. 

Anëtarët e familjes Kita e vlerësuan këtë gjest të Kryebashkiakut Basha. Mbesat e Hanke e konsideruan një dhuratë të çmuar për gjyshen e tyre, në këtë 100 vjetor të Pavarësisë dhe një simbol që do ta ruajnë, në kujtim të gjyshes së tyre, sot 100 vjeç dhe të 100 vjetorit të Pavarësisë.