Bashkia, deme me ndertimin e banesave

Kontrollit te inspektoreve te KLSH-se nuk i ka shpetuar as Bashkia e Korces. Periudha e inspektimit eshte 2005-2006, kurse demet ekonomike, sipas raportit te bere publik dje, shkojne ne 18 milione leke ne fushat e urbanistikes dhe prokurimeve. Mesohet se 10 milione leke arrin vlera e demit me abuzimet e kryera ne ndertimet e banesave nga Enti Kombetar, miratimi i kostos mesatare dhe veprimet e tjera te kryera nga bashkia per keto objekte. Kurse ne fushen e prokurimeve publike eshte konstatuar nje dem prej 8 milione lekesh, i ardhur nga vonesat ne zbatimin e afateve kohore te percaktuara sipas kontratave te lidhura ne ndertimin e objekteve. Per kete abuzim inspektoret kane kerkuar rikthimin e te gjithe shumes se demit ekonomik, nga zyrtaret pergjegjes te Bashkise Korce.