Spanja si model zhvillimi ekonomik per Shqiperine
Zhvillimi ekonomik i Spanjes pas fundit te diktatures nw 1975, e ka bazen ne zbatimin e reformave me konsensus politik. Me kushte te ngjashme tw zhvillimit te demokracise dhe ekonomise me Shqiperine, Spanja mund te jete nje model ekonomik i mire zhvillimi.
Per trajtuar kete ceshtje, Dhoma e Tregtise dhe Industrise se Tiranes, ne bashkepunim me "Albinvest" dhe Ambasaden e Mbreterise se Spanjes, prezantuan dje temen "Politikat ekonomike qe ndikuan ne zhvillimin ekonomik te Spanjes", mbajtur nga profesori i Universitetit te Barcelones, Germa Bel. Prezantimi i kesaj teme, lidhej me periudhen 40-vjecare te zhvillimit ekonomik te Spanjes, ecurine e saj, duke pasur ne vleresim disa ngjashmeri ne rrugen e tranzicionit, qe kalojne pergjithesisht, vendet pas renies se diktaturave, e ku politikat ekonomike dhe sociale, ndikojne direkt ne rritjen ekonomike dhe sociale te tyre. Profesor Bel pasqyroi sakte gjithe ecurine e zhvillimit ekonomik te Spanjes, duke nisur qe nga renia e diktatorit Franko, i cili e izoloi vendin nga bota e zhvilluar deri ne vitin 1975, duke ndikuar direkt ne rritjen e nje varferie te tejskajshme.
Ndryshimet politike, vendosja e sistemit demokratik, hapja e tregut, liberalizimi i sistemit ekonomik, zhvillimi i bizneseve, privatizimeve te medha etj., ishin hapat neper te cilat eci dhe u zhvillua ekonomia spanjolle. Fenomeni i emigracionit masiv, si dhe zhvillimi i turizmit, ishin dy treguesit kryesore, te cilet pasuan me rritjen e fluksit te remitancave, te cilat dhane ndikimin e tyre ne zhvillimin ekonomik te vendit, tha Bel. Pas vitit 1980-te, Spanja nisi rrugen e zhvillimit te vrullshem, duke u mbeshtetur ne nje pakt politik mes kraheve politik te se djathtes dhe te majtes, me krijimin e marreveshjes mes tyre, qe u quajt "Marreveshja Kombetare Social-Ekonomike", ose ndryshe "Pakti i Moncloas".
Me zbatimin e kesaj marreveshjeje, tha Bel, nisi zhvillimi ekonomik i Spanjes, qe sot rreshtohet nder vendet me zhvillim te vrullshem ekonomik, me rritjen e te ardhurave per fryme, uljes se inflacionit, me nje treg, qe brenda 40 viteve, eshte kthyer ne nje treg te hapur boteror etj. Pjesemarresit ne kete takim vleresuan ecurine ekonomike te Spanjes, duke cmuar vleren e marreveshjes ekonomike dhe sociale permes paktit politik ne te mire te vendit.