Bashkia e Tiranes ngre kantierin e punimeve, ne sheshin "Skenderbej"

Bashkia e Tiranes ka kryer mbreme rrethimin e sheshit "Skenderbej" per nisjen e punimeve per rikonstruksionin e ketij aksi te rendesishem rrugor ne kryeqytet.
Valbona Zhupa, nga zyra e shtypit te Bashkise se Tiranes, tha se ka nisur rrethimi i sheshit nga inspektorati i bashkise, me qellim hapjen e rruges per nisjen e punimeve qe do te plotesojne planin per dhenien fund te gjendjes ne kete shesh. Me ngritjen e kantierit te ndertimit, pritet qe brenda dy-tri diteve ne vazhdim te nisin punimet per rindertimin e sheshit, konform planit te miratuar nga kryebashkiaku Rama. Nderkohe qe keshilltaret e Partise Demokratike ne Bashkine e Tiranes kane mbeshtetur dje iniciatven e qeverise, per asfaltimin e menjehershem te sheshit "Skenderbej". Ne emer te grupit te keshilltareve, deklarata eshte bere publike nga Ferdinand Poni. Ne kete deklarate thuhet se "grupi i keshilltareve te Partise Demokratike, mbeshtet fuqimisht inisiativen e qeverise shqiptare dhe kryeministrit Berisha, per ndihmen dhe kontributin e saj, per t'i dhene fund gjendjes katastrofike ne sheshin qendror te kryeqytetit dhe te shqiptareve, ne sheshin "Skenderbej". "Kjo gjendje e mjerueshme e sheshit "Skenderbej", e denoncuar disa here prej tyre, eshte krijuar per shkak te nenshtrimit te kryetarit te Bashkise, Edi Rama ndaj politikes dhe klaneve mafioze te Kokedhimes e komani", deklaroi Poni. Sipas tij, nga ky nenshtrim Edi Rama ka penguar edhe vete, planin francez te shpallur me aq buje prej tij. Keshilltaret demokrate te ne bashki, deklaruan se solidaritetin e tyre per iniciativen e qeverise, do ta shprehin qe ne mbledhjen me te pare te keshillit bashkiak. Sipas tyre, nderhyrja per rregullimin e ketij sheshi, eshte ne dobi dhe interes te qytetareve te Tiranes dhe te Shqiperise. Kater dite me pare, kryeministri Sali Berisha urdheroi asfaltimin e sheshit qendror te Tiranes, i cili prej kohe eshte i teper i demtuar. "Sa te behen planet te shtrojme nje shtrese te mire asfalti te mos te turperojme vendin". Kryeministri urdheroi ar vendosjen e kontakteve me qeverine vendore te Tiranes, per te marre vendimin per te sheshin.