Bashkia nuk realizon dot Unazën e Madhe

Ministri i Transporteve Sokol Olldashi i bëri thirrje Bashkisë së Tiranës për të kthyer përgjigje për dorëzimin e projektit të Unazës së Madhe. "Bashkia të mos gënjejë qytetarët, ajo nuk është e aftë që të realizojë këtë projekt pasi nuk ka fonde", është shprehur minstri Olldashi. Para disa kohësh në prezantimin e këtij projekti Bashkia e Tiranës ka deklaruar se 20-të milionë dollarë do të merren kredi nga Banka Europiane për Zhvillim . "Përfundimi i Unazës së Madhe nga bashkia parashikohet të përfundojë në vitin 2011-të, gjë të cilën institucioni që unë përfaqësoj do ta realizojë më shpejt", ka shtuar Olldashi. Rreth një muaj më parë ministri Sokol Olldashi ka dërguar një letër në Bashkinë e Tiranës ku ka kërkuar dorëzimin e projektit të Unazës së Madhe, por deri tani nuk ka marrë përgjigje.