"Bashkite te percaktojne tokat e kompensimit"

Ne mbledhjen e djeshme te Keshillit te Ministrave, kryeministri Berisha kerkoi nga te gjithe kryetaret e bashkive te vendit, qe ne territorin e bashkive te tyre te percaktojne toka te cilat mund t'u ofrohen pronareve per kompensim. Sipas Berishes, secila nga bashkite ne vend duhet ta kryej kete percaktim pa humbur kohe, pasi ceshtja e pronesise eshte nje nga problemet e mprehta qe kerkojne zgjidhje. Ne fjalen e tij, kryeministri Berisha siguroi se qeveria qe ai drejton do te nderhyje dhe do te veproje shume fuqishem ne drejtim te zgjidhjes se ceshtjeve te pronareve. Ne kete kuader kryeministri Berisha theksoi se disa grupe pune po punojne per te diversifikuar nderhyrjet qe mund dhe duhet te behen ne zgjidhjen e ketij problemi. "Ne do te nderhyjme ne kete drejtim. Ne gjetem nje mal falsifikimesh, por serish po shkohet drejt kthjellimit te situates ne kete aspekt. Ndaj, ne drejtim te zgjidhjes se ceshtjeve te pronareve do te kete nje veprim shume te fuqishem nga ne", tha kryeministri Berisha, duke shtuar se me pare mundesite e qeverise kane qene shume te kufizuara ne zgjidhjen e ketij problemi te mprehte. Dite me pare kryeministri Berisha ka kerkuar me insistim zgjidhjen e ceshtjes se pronesise. Njeheresh dhe nga ana e nderkombetareve dhe te gjithe organizmave nderkombetare financiare eshte kerkuar vendosja me shpejtesi e reformes ne pronesi, qe do t'i hapte udhe investimeve.