"Piramidat", kriteret e shitjes
Qeveria vendosi dje edhe caktimin e rregullave per shitjen e pasurive te personave juridike, jobankare, qe kane marre hua nga publiku i gjere. Sipas vendimit, shitja e objekteve, pasuri e personave, fizike a juridike, si dhe e pasurive te ish-presidenteve e te pjesetareve te familjeve te tyre dhe te personave te tjere, te deklaruar te lidhur me ta, behet ne leke dhe ne valute te huaj. Shitja e pasurive te personave, juridike dhe fizike, sipas ketij vendimi realizohet nga Drejtoria e Administrimit dhe Shitjes se Pronave Publike, ne Ministrine e Financave, ne bashkepunim me administratoret e shoqerive huamarrese, nepermjet ankandit. Sipas draftit te miratuar dje, kreditori ka te drejte te futet si bleres i pare per pasurite e shoqerise huamarrese, ku ai ka depozituar vlerat e tij financiare, kur ndermjet nje a me shume kerkuesve, pjesemarres ne ankand, jane ofruar cmime te barabarta blerjeje. Ne kete rast, kreditori paraqet kerkesen per blerje te pasurise, sipas te gjitha rregullave dhe procedurave te caktuara ne kete vendim. Kur komisioni i ankandit veren se ofertat e paraqitura per cmimin e blerjes se pasurive jane te njejta me ato te kreditorit apo te nje grupi te kreditoreve, shpall fitues kreditorin, qe ka paraqitur kerkesen per blerjen e pasurise. Po keshtu sipas draftit, personi, fizik a juridik, qe shpallet fitues i ankandit, duhet te paguaje cmimin e plote te blerjes, nepermjet bankes, ne llogarine e shoqerise huamarrese perkatese. Ne rastet kur shoqerite huamarrese ne administrim kane ne pronesi aksione ose forma te tjera interesi me shoqerite apo individe te tjere, administratori i kerkon ortakut dokumentacionin e plote te shoqerise se perbashket, deklarimin e vleres se kapitalit te investuar, vlerat e fituara nga ortakeria, shpenzimet dhe interesat e paguara nga koha e krijimit te shoqerise, te cilat i paraqiten komisionit te ankandit. Sipas projektligjit, komisioni i ankandit ia ofron fillimisht pjesen ne pronesi te shoqerise huamarrese, per blerje te drejtperdrejte, ortakut. Ne rast se oferta e paraqitur nga ortaku nuk ploteson kerkesat e caktuara, atehere pjesa ne pronesi te shoqerise ne administrim shitet ne ankand. Po keshtu drafti parashikon se kur konstatohen veprime ne kundershtim me ligjin dhe pasurite blihen nga kategoria e personave te perjashtuar apo persona te trete, te autorizuar nga ana e tyre, pasurite rivihen ne shitje dhe vlerat e shitjes se tyre, nuk i rikthehen bleresit, por kalojne ne favor te kreditoreve. Procesi i shitjes se pasurive te shoqerive huamarrese kontrollohet nga eksperte kontabel, vendas e te huaj, si dhe mbikeqyret, ne te gjitha etapat, nga Grupi i Mbikeqyrjes i Shoqerive Huamarrese. Fatjona Mejdini