Basketboll, FSHB shtyn startin e sezonit
Mungesa e dokumenteve dhe disa parregullsi te tjera ne premieren e ketij sezoni ne basketboll kane detyruar Federaten Shqiptare te Basketbollit te shtyje kohen e nisjes se aktiviteteve per femra dhe meshkuj.
Dokumentacioni i paraqitur nga klubet dhe shoqatat sportive, pjesemarrese ne Kampionatin Kombetar te Basketbollit 2008-2009 ka mangesi te theksuara, gje e cila eshte pengesa kryesore e startimit te kampionatit ne daten e paracaktuar. Federata shqiptare e basketbollit ka lajmeruar drejtuesit e klubeve qe te shlyejne sa me pare detyrimet financiare dhe te plotesojne dokumentacionin e nevojshem per regjistrimin e ekipeve te tyre pjesemarrese.
Deri me tani rezulton se vetem ekipi i meshkujve te Vllaznise dhe ekipi i femrave DHL kane shlyer te gjitha detyrimet financiare. Krahas tyre ka edhe ekipe si Tirana per meshkuj dhe Flamurtari per meshkuj dhe femra, te cilet pavaresisht mangesive per lojtare te vecante, plotesojne kushtet per startin e kampionatit. Pjesa tjeter e ekipeve kane mangesi te tilla qe e bejne te pamundur procedimin per regjistrimin e tyre.