Mafia ruse bleu Kupen UEFA?
Një hetim i zyrtarëve spanjollë mbi mafian ruse hedh gjithnjë e më tepër hije dyshimi mbi fitoren e Kupës UEFA nga Zenit San Peterburgu.
Gjykatësi spanjoll Baltasar Garzon ka në dorë disa të dhëna në bazë të të cilave, gjysmëfinalja e kthimit e fituar nga ruset 4-0 ndaj Bajern i Mynihut, është e trukuar.
Hetimi i mbiquajtur "Operacion Troika", vërtitet rreth Guenadis Petrov, një prej liderëve kryesor të organizatës mafioze Tambobskaya,me qendër në San Peterburg.
Hetuesit, kane hedhur drite mbi interesat e tij të shumëfishta të lidhur me krimin e organizuar.
Mes tyre duket se është edhe Zenit, formacioni rus që arriti të mundë në finale Glasgow Rangers.