Bastioni i republikaneve tani per Obamen

Pervec vitit 1992, shteti i Kolorados ka votuar per kandidatin presidencial republikan per 40 vjet me radhe. Xhorxh W. Bush fitoi atje pa veshtiresi si ne vitin 2000, ashtu edhe ne 2004-en. Por kete vit, kandidati republikan Xhon Mekejn ka mbetur pak prapa demokratit Barak Obama ne shumicen e anketave dhe po ashtu kane epersie edhe kandidatet demokrate per ne senat dhe ne dhomen e perfaqesuesve. Lovland eshte nje komunitet i pasur ne veri te Denverit, prane Maleve Roki, qe zakonisht ka mbeshtetur republikanet. Por kete vit, gara presidenciale eshte e ngushte, dhe njerez si Susan Ricards dhe Dejvid Suajnhart te cilet jane miq, debatojne nganjehere per kete teme. Susan perkrah demokratin Barak Obama. "Do te kisha preferuar zonjen Klinton, por mendoj se edhe Obama do te punoje mire. Megjithese njerezit thone se atij i mungon eksperienca, ai duket njeri qe ka besim tek vetja", deklaroi ajo. Dejvid perkrah republikanin Xhon Mekejn. "Ai i njeh tmerret e luftes dhe do te ishte nje negociator i zoti, por ka edhe eksperiencen personale qe e ndihmon", sqaroi ai. Ne Kolorado pozita gjeografike duket se percakton politiken. Ne Denver, shenjat e perkrahjes ndaj zotit Obama duken kudo. Por ne zonat rurale me ne lindje dhe ne pjesen perendimore te Maleve Roki, perkrahja ndaj zotit Mekejn eshte shume e forte. Eksperti i politikes ne Universitetin e Kolorados Ken Bikers thote se rritja e shpejte e popullsise se shtetit ka ndikuar tek prirjet politike. "Kolorado ka pesuar ndryshime te medha demografike gjate dekades se fundit, sepse njerezit kane ardhur ketu nga i gjithe vendi, shume prej tyre nga Kalifornia, dhe ata sjellin ketu edhe pikepamjet e tyre politike", shpjegoi ai. Bikers thote se ekonomia eshte shqetesimi kryesor per votuesit ne Kolorado dhe kjo i ndihmon demokratet, meqenese votuesit kane prirjen te fajesojne partine qe eshte tani ne Shtepine e Bardhe per problemet ekonomike. Sipas tij, Mekejn i terheq ende votuesit, kur behet fjale per ceshtjet e sigurise kombetare, pjeserisht per shkak te mbeshtetjes se tij per shtimin e numrit te trupave ne Irak. "Fakti qe rritja e numrit te trupave ka funksionuar dhe vazhdon te funksionoje do te thote se Iraku nuk ka nevoje te diskutohet me, prandaj njerezit perqendrohen pothuajse teresisht tek ekonomia", nenvizoi Bikers.