Bayerni duhet ta sulmojë Realin

Bayern Munich duhet të shënojë javën e ardhshme, në ndeshjen e kthimit në gjysmëfinale të Ligës së Kampionëve kundër Real Madridit, për të kaluar në finale.

Kështu mendon ish mbrojtësi i Bayernit dhe i Francës, Bixente Lizarazu, i cili zhvilloi më tepër se 170 ndeshje për gjigantin bavarez gjatë dy aventurave në klub. Bayerni ka epërsi 2-1 para duelit në Santiago Bernabeu të martën.

“Goli si mysafir pa dyshim se i ndihmon Realit. Bayernit i duhet një gol në Madrid, përndryshe nuk do të shkojë në finale”, deklaroi Lizarazu për Kicker.