Bayernit i duhet Khedira
Drejtori ekzekutiv Franz Beckenbauer beson se Bayern Munichut i nevojitet një futbollist si mesfushori i Real Madridit, Sami Khedira.
Në vitet e fundit, Khedira është shndërruar në njërin prej mesfushorëve më të mirë gjerman dhe Beckenbauer mendon se ish anëtari i Stuttgartit është pikërisht futbollisti që i nevojitet gjigantit bavarez.
“Vështirë se mund të gjeni një futbollist të tillë në kohën e sotme, skuadra ka nevojë për një futbollist si Khedira. Ai është një prej atyre futbollistëve që mund të përshkruhen si prototip, i gatshëm të sakrifikohet në fushë në dobi të skuadrës”, deklaroi Beckenbauer për TZ.