Baza e PS: Zgjedhjet, rama pa kurrfare transparence Qamil Xhani

Kandidatet e eliminuar nga gara per kryetar te PS-se ne rrethe, akuzojne liderin e Partise Socialiste, per mungese transparence. Te perjashtuarit dhe mbeshtetesit e tyre ne Pogradec, Vlore, Kolonje, Devoll, Kucove, etj, kane deklaruar se ne zgjedhjet ne disa prej rretheve kryesore, nuk po realizohen ne perputhje me statutin dhe vlerat e Partise Socialiste. Duke deklaruar se kandidatet e zgjedhur nga Kryesia e Partise Socialiste nuk perfaqesojne bazen socialiste, shume prej te perjashtuarve nga gara shprehen se eshte shkelur statuti i partise. Nje prej te larguarve nga gara ne qytetin e Pogradecit, shprehet se ne situaten e krijuar, nuk ka me kuptim dhe beteja e PS-se per transparencen e zgjedhjeve te pergjithshme. Kjo sipas tij, per sa kohe qe PS-ja nuk bene transparencen e zgjedhjeve brenda saj. “Edi Rama ka shkelur statutin. Kandidaturat qe jane menduar te dalin, jane pa kontribut ne PS, kur i njeh gjithe qyteti dhe rrethi. Le te vijne te gjithe emrat e propozuar dhe te votohen ata qe e meritojne, le te votohen ne sheshin e mejdanit. Edi Rama kur kerkon hapjen e kutive, perse vete i mbyll ato”, tha ish-kandidati i PS-se, Ylli Galo. Nderkohe qe edhe kandidate te tjere te eliminuar ne Partine Socialiste, kane deklaruar se metoda e perdorur ne percaktimin e njerezve qe do te marrin pjese ne zgjedhje, ka qene selektive dhe nuk jane zbatuar nenet e statutit. Nga ana tjeter, kandidatet e Vlores kane denoncuar drejtuesit lokal dhe ata ne qender te PS-se per klientalizem. Sipas tyre, ne gare jane vendosur njerez qe kane lidhje miqesore me drejtuesit e PS dhe drejtuesit e pushtetit vendor qe drejtohet nga PS-ja ne Vlore. Dy kandidatet e zgjedhur nga baza ne PS-ne e Vlores, Albert Gjondeda e Arqile Mishtaku, kane akuzuar per korrupsion politik dhe ekonomik, drejtuesit lokal te kesaj partie. Ata e kane cilesuar te papranueshme largimin nga gara, duke mos u dhene sqarimet perkatese mbi motivet reale qe kane sjelle kete vendim. Nga ana tjeter, baza socialiste ne qytete te tjera, pretendon se listat e derguara me kandidate, nuk jane marre parasysh nga kryesia, duke bere nje perzgjedhje qe nuk bazohet mbi merita, apo ndikimin qe kandidatet kane ne zonat perkatese. Sipas kandidateve te perjashtuar nga gara ne Vlore, por edhe ne qytete te tjera, zhvillimi i zgjedhjeve ne kete menyre ne PS, duke anashkaluar kandidatet me mbeshtetje ne baze, mund te sjelle probleme per PS-ne ne zgjedhjet vendore, duke mos koordinuar sic duhet strukturat dhe bazen e partise.

Debatet ne kryesi
Reagimi i kandidateve te perjashtuar nga gara ne zgjedhjet e kryetareve te rretheve ne Partine Socialiste, eshte vijimi i debateve qe u zhvilluan ne Kryesine e PS-se pak dite me pare. Anetari i Kryesise, deputeti Ben Blushi, replikoi me kryetarin Edi Rama, mbi menyren e perzgjedhjes se garuesve dhe perjashtimin nga gara te me shume se 100 kandidateve. Ne nje reagim per mediat, Blushi do te deklaronte se zhvillimet brenda PS-se, e vendosnin ne pikepyetje gjithe angazhimin e Partise Socialiste per transparencen. Blushi u beri thirrje gjithe te perjashtuarve nga gara, qe te marrin pjese ne zgjedhjet qe do te zhvillohen sot, duke perdorur cdo forme demokratike. Pas deklarates se Blushit, erdhi dhe reagimi i kandidateve te perjashtuar ne Kucove, Vlore, Pogradec, Devoll dhe Kolonje. Nderkohe qe pakenaqesi ka pasur dhe ne rrethe te tjera te vendit, ku kandidatet kane deklaruar se zgjedhjet jane zhvilluar ne mungese te plote te transparences.

Platformat e kandidateve per zgjedhjet lokale dhe linjen radikale
Zhvillimet ne Partine Socialiste ne qender, do te pasqyrohen dhe ne platformat e kandidateve te selise roze ne rrethe. Kandidatet ne qytetet kryesore, qe kane marre mbeshtetje e Kryesise, do te pasqyrojne dhe politiken e ndjekur deri me sot nga PS-ja, qe do te thote, nje linje te ashper ne marredheniet me pushtetin qendror. Nga ana tjeter, kandidatet e perzgjedhur nga kryesia dhe qe do te votohen sot, pritet te jene dhe njerezit qe do te mbajne peshe kryesore ne zgjedhjet e ardhshme lokale. Ne Tirane, garojne dy kandidate, Pjerin Ndereu dhe Bledar Doracaj. Ne qytetin e Durresit, kryesia e PS ka zgjedhur dy kandidate, Gentian Bejko dhe Aurel Voda. Ne Korce, jane vendosur kater kandidatura Ilir Pendavinji, Bashkim Hazisllari, Ermir Skenderi dhe Muharrem Meko. Ndersa ne Pogradec, qytetin ku ka pasur dhe shume debate per kandidatet, jane vendosur kater kandidatura, Bardhyl Hyka, Ilir Xhakolli, Stefan Hila dhe Anxhela Andoni. Vlora eshte nje tjeter qytet i madh ku perplasjet kane qene shume te ashpra per zgjedhjen e kandidaturave. Kryesia ka vendosur perfshirjen e vetem dy prej tyre ne zgjedhjet e djeshme. Po ashtu dhe ne Fier, jane vendosur dy kandidat duke hequr kandidatet e tjere, Xhevit Bushi dhe Pellumb Hazizi. Edhe ne qytetin e Shkodres, ne gare jane perfshire Agim Shima dhe Nikolin Dedvuka. Me interesante shihet gara ne Tirane, ku drejtuesi i PS-se, eshte dhe nje prej njerezve qe merr persiper koordinimin e strukturave per zgjedhjet. Votimi i Asamblese Socialiste te rrethit te Tiranes, do te behet sot paradite ne Akademine e Arteve. Ndersa rezultati pritet te shpallet pasdite.

Dje votime ne Elbasan, Lushnje dhe Vlore
Asamblete socialiste votuan dje per drejtuesit ne Vlore, Lushnje dhe Elbasan. Nen monitorimin e deputeteve te PS-se te shperndare sipas qarqeve ku jane zgjedhur, socialistet kane votuar per kandidaturat e percaktuara nga Kryesia. Ne Lushnje socialistet kane zgjedhur Bujar Celen si drejtuesin e ri te PS. Cela u shpall fitues me 168 vota te anetareve te Asamblese se PS. Ndersa ne Vlore fitues eshte shpallur kandidati Kujtim Sulce.