Becaj-Spahiu, perplasje per Konferencen Gjyqesore

Mos votimi ne Kuvend i projektligjit per Konferencen Gjyqesore, si pasoje e mungeses se opozites, ka bere qe kryetarja e Gjykates se Larte, Shpresa Becaj, te mbledhe kryetaret e gjykatave te rretheve. Ne tryezen e rrumbullaket te organizuar ne Pallatin e Kongreseve, Becaj diskutoi per gjetjen e nje zgjidhjeje per mbledhjen e Konferencen Gjyqesore. Ne takim mori pjese edhe zevendeskryetari i KLD-se, Kreshnik Spahiu, perfaqesues nga OSBE-ja, OPDAT, EURALIUS, etj. Ne fjalen e saj, Becaj theksoi se duhet te mundesohet sa me pare, mbledhja e Konferences Gjyqesore Kombetare, ne menyre qe t'iu jepet zgjidhje problemeve qe sot jane shtruar para Sistemit te Drejtesise ne Shqiperi. Por per votimin e projektligjit per Konferencen Gjyqesore, duhen 3/5 e votave te Kuvendit, pra detyrimisht edhe prania e opozites. Ne keto kushte Becaj iu drejtua trupave gjyqesore, nese duhet te prisnin deri ne miratimin e projektligjit te Konferences Gjyqesore, apo duhet te ngrinin nje grup pune qe te pergatise nje rregullore provizore, ne kushtet e mungeses se ligjit dhe te mundesoje mbledhjen e saj. "Shpeshhere fushatat politike dhe mediatike ndaj gjyqesorit, pervec presionit te ushtruar, ndikojne negativisht ne deformimin e perceptimit te publikut mbi dhenien e drejtesise dhe gjykatave. Une vazhdimisht e kam theksuar dhe shpreh bindjen time te plote, se ne nuk kemi sistem te korruptuar, por individe te korruptuar brenda ketij sistemi, te cilet vete ne, duhet t'i evidentojme dhe t'i veme para pergjegjesise, per te larguar imazhin negativ te krijuar per sistemin e drejtesise",-tha dje Shpresa Becaj. Por nga ana e tij, zevendes kryetari i KLD-se Kreshnik Spahiu, kerkoi mbledhjen e Konferences Gjyqesore, pas miratimit te ligjit. Ai tha se "KLD mbeshtet hapur projektligjin e hartuar nga Ministria e Drejtesise per Konferencen Gjyqesore".