"Demshperblim per familjet e prekura nga permbytjet"

LEZHE- Ministri i Brendshem dhe i Pushtetit Lokal, Lulzim Basha, ka inspektuar diten e djeshme zonat e permbytura nga reshjet e shiut ne Qarkun e Lezhes. Me gjithe kushtet e keqija atmosferike, kreu i dikasterit i shoqeruar nga autoritete vendore, ka pare nga afer situaten e krijuar dhe i ka kerkuar vartesve inspektim te hollesishem dhe verifikim te demeve me qellim demshperblimin e te demtuarve nga permbytjet. Ai i premtoi banoreve se sapo te evidentohen te gjitha demet, ministria dhe qeveria ku ben pjese, do t'i demshperblejne. Sipas ministrit Basha, "te gjitha familjet, shtepite e te cilave jane prekur nga permbytjet, do te inspektohen per te percaktuar demet dhe per te marre masa per t'u ardhur ne ndihme". Mes te tjerash ai vleresoi gjendjen, duke u shprehur se shtabet e emergjences jane ngritur prej ditesh per te shmangur pasojat e renda. "Situate problematike paraqitet jo vetem ne Qarkun e Lezhes, por ne shkalle vendi. Situata po monitorohet hap pas hapi, e jane marre te gjitha masat. Ne total jane prekur rreth 40 banesa, per secilen prej tyre pushteti lokal ka identifikuar demtimet e bera", tha Basha. Me tej ai kerkoi qe situata te mos perdorej politikisht. "Nuk duhet perdorur politikisht gjendja e krijuar pas shirave te rene keto dite, por te gjendet bashkepunim i te gjithe faktoreve per te perballuar kete situate", perfundoi ministri gjate inspektimit te hidrovoreve dhe kanaleve kulluese.