Beckham dëshiron të kthehet te Milani

Nga Nju Xhersi, David Beckham i shpreh edhe njëherë besnikërinë e tij Los Angeles Galaxy, por përsërit edhe njëherë se në dhjetor dëshiron të kthehet me shumë mundësi te Milani: "Herët apo vonë futbolli do të shpërthejë edhe në Amerikë dhe unë dua të jem si të thuash protagonist. Nuk dua t'u kërkoj falje tifozëve sepse kur mbaj veshur këtë fanellë i përkushtohem totalisht. Dhe kur kam shkuar për të luajtur në Itali kam qënë i ndershëm. Nuk ka asnjë akord të shkruar por Milani më kërkon", ka thënë Beckham.