Beckham joshet nga Liga e Kampionëve
David Beckham ka thënë se dëshiron të ketë një tjetër rast të luajë në Ligën e Kampionëve para se të pensionohet nga futbolli.
Ish kapiteni i Anglisë, 37 vjeç, do të jetë futbollist i lirë pas paraqitjes së fundit për Los Angeles Galaxyn në Major League Soccer të shtunën. “Gjithmonë e kam dashur Ligën e Kampionëve. Sigurisht se do të doja të luaja sërish”, deklaroi Beckham.
Mesfushori spekulohet edhe me transferim te skuadra nga liga e dytë franceze Monaco. “Do të shohim se ku do të kaloj. Nëse bëhet fjalë për një ekip të Ligës së Kampionëve, do të ishte edhe më mirë”, përfundoi ai.