Behrami lëvdon lojën e Faubert
Valon Behrami ka lavdëruar bashkëlojtarin e tij Julien Faubert për formën e treguar këtë sezon me West Ham United.
Kosovari ishte në listën e golashënuesve së bashku me Faubert në fitoren e vikendit ndaj Hull Cityt, edhe pse ata u mposhtën mbrëmë nga kampioni në fuqi i Premier Ligës, Manchester United.
"Jam shumë i lumtur. Ai ka bërë një punë të shkëlqyer në disa muajt e fundit. Ai është një lojtar shumë i mirë dhe shpresoj, me paraqitjet e tij, të udhëtojë në Kupën Botërore me Francën", ka thënë Behrami.