Belgjikë, ceremoni përkujtimore për “viktimat e Zvicrës”

Mijëra njerëz kanë marrë pjesë në ceremoninë përkujtimore për viktimat e aksidentit në Zvicër, ku humbën jetën 22 fëmijë dhe 6 të rritur nga dy qytete të Belgjikës.

Mbreti belg, Albert, dhe gruaja e tij, kryeministri Elio di Rupo dhe presidenti i Bashkimit Evropian, Herman Van Rompuj, kanë qenë në mesin e pjesëmarrësve. Ngjarja e sotme është zhvilluar në qytetin Lomel të Belgjikës, nga vinin edhe 17 viktimat e aksidentit.

Autobusi me të cilin udhëtonin 52 persona u përplas me një tunel në Zvicër dhe për pasojë vdiqën 28 persona, përfshirë 22 fëmijë. Fëmijët po ktheheshin me autobuz nga një turne dimëror në Zvicër.