Francë, vrasësi ende i lirë, media të dhëna kontradiktore

Ministri i Brendshëm i Francës përgenjështroi lajmin se i dyshuari francez për vrasjen e katër hebrenjve në Tuluz, është arrestuar.

Kanalet televizive të Francës raportuan se i dyshuari është arrestuar 12 orë pasi policia ka rrethuar apartamentin e tij në Tuluz.

Zyrtarët kanë deklaruar më herët se i dyshuari ka pranuar se ka lidhje me Al Kaidën.

Ai është i dyshuari i vetëm për vrasjen e tre fëmijëve dhe një të rrituri në shkollën hebraike në Tuluz, më 19 mars.

Presidenti francez, Nikolas Sarkozi, ka arritur në Tuluz dhe pritet t`i drejtohet kombit.