Ben Ali dënohet me 16 vjet burgim, në mungesë
Nga Express më 29 korrik 2011 në ora 13:51
Drejtësia tuniziane ka dënuar presidentin e përmbysur, Ben Ali, dhe dhëndrin e tij me nga 16 vjet heqje lire, pasi janë gjetur fajtorë për vepra korruptive.
Ky ishte gjykimi i tretë në mungesë i Ben Alisë, i cili është larguar me anëtarët e familjes së ngushtë në Arabinë Saudite, ku vazhdon të jetojë në ekzil.
Gjykata ka dënuar me tetë vjet burg edhe vajzën e ish-presidentit tunizian, Nisrine, dhe e ka urdhëruar atë të paguajë 50 milionë dinarë.
Ben Ali është përmbysur në muajin janar të këtij viti, pas valës së protestave kundër regjimit të tij.