Benitez e do Premierligën
Nga Express më 05 qershor 2011 në ora 11:33
Ish-menaxheri i Liverpoolit Rafael Benitez ka paralajmëruar klubet e Premierligës se është i gatshëm të kthehet në Kampionatin anglez. Benitez me Liverpoolin fitoi Ligën e Kampionëve më 2005 dhe FA Cup në edicionin e ardhshëm por nuk arriti të triumfon në Premierligë dhe u largua më 2010.
Aventura e tij në Inter përfundoi për më pak se gjysmë sezoni në dhjetor të vitit të kaluar. Tani ai është i gatshëm të kthehet në Premierligë. “Dua të kthehem në Angli. Nuk dua të përmend klubet por ka shumë të cilat mund t’i zgjidhni”, tha Benitez për Talksport.