Benitez, përgatit milionat për Lavecin

Paraqitjet e mira të Ezekuel Lavecit në këtë sezon me Napolin i kanë rritur kuotimet e argjentinasit. Tashmë, përveç Juventusit, në garën për 24-vjeçarin është futur edhe Liverpuli. Rafa Benitez nuk e ka fshehur nevojën për të afruar një sulmues cilësor, i cili do të bëhet partneri i Fernando Torres në repartin ofensiv. Tekniku spanjoll është i gatshëm të paguajë 20-25 milionë euro në arkat e Napolit, që t‘i bindë për të hapur "dritën jeshile" për kalimin w Lavecit në "Anfilld Roud".