Beqiri te Bulonjë, firma formalitet

Transferimi i Elvin Beqirit në Ligën 1 franceze
ende nuk është zyrtarizuar. Megjithatë,
fi rma e mbrojtësit kuqezi në kontratën e ofruar
nga US Bulonjë duket thjesht një formalitet. Kjo
sepse 28-vjeçari fi guron në listën e skuadrës për
sezonin e ri futbollistik, pavarësisht se fi llimisht
ai iu bashkua kontingjentit të drejtuar nga tekniku
Loren Gyjot për t‘u testuar. Ish-mbrojtësi i
Vllaznisë dhe njëkohësisht një prej lojtarëve të
spikatur të Kombëtares shihet si një përforcim
mjaft i rëndësishëm për debutuesit në elitën
franceze, pasi ai ka mjaft eksperiencë: përveç
aktivizimit në arenën ndërkombëtare, ai ka luajtur
në kampionatin rus, ukrainas dhe izraelit.
Gjatë sezonit të kaluar, US Bulonjë u klasifi kua
e treta në Ligën 2 dhe klubi siguroi për herë të
parë në histori (që prej krijimit në vitin e largët
1989 nga vizitorët anglezë), aktivizimin mes më
të mirëve. Në edicionin e ardhshëm, Beqiri do
të jetë i vetmi shqiptar që luan në Francë, pas
largimit të Lorik Canës drejt Sandërlendit.