Beqja: Hendeku të pasur-të varfër është thelluar

Tiranë- Shtim i varfërisë dhe thellim i hendekur mes të pasurve dhe të varëfëve në vend. Konstatimin e ka bërë sot nënsekretari për Programin në PS, Ilir Beqja, cipas të cilit në tre vitet e qeverisjes demokratike është shënuar vetëm përkeqësim i situtaës.

“Kryeministri nuk guxon të flasë për të varfërit, sepse në 3 vjet të qeverisjes së tij, hendeku midis të varfërve dhe të pasurve është thelluar. Ky hendek është sot 16.5 % më i thellë se në vitin 2005. Janë politikat antipopullore të kësaj qeverie, përgjegjëse për thellimin e këtij hendeku. Është zbatimi i taksës së sheshtë që e ka thelluar hendekun midis të varfërve dhe të pasurve”- tha ai gjatë një deklarate për shtyp.

Duke kujtuar ditën kundër varfërisë, Beqja nënvizoi se kryeministri i qeverisë së kafshatës nuk u kujtua të merret me të varfërit e vendit të tij dhe të tregojë se sa e kanë zbutur varfërinë kafshatat që ai ka premtuar të japë.

Sipas tij, kryeministri i qeverisë së shërbimit dhe shërbesave nuk u kujtua të merret me qytetarët e vendit të tij dhe të tregojë se çfarë shërbimesh më shumë u ka sjellë të varfërve të vendit të tij përveçse ka shtuar ceremonitë mortore.

Fajtore për situatën alarmante sipas Beqajt janë politikat antipopullore të kësaj qeverie, përgjegjëse për thellimin e këtij hendeku. Është zbatimi i taksës së sheshtë që e ka thelluar hendekun midis të varfërve dhe të pasurve.

Faktor tjetër në thellimin e hendekut, sipas tij, është dështimi i skemës kompensuese të rritjes së çmimit të energjisë e bashkë me të edhe shtrenjtimi marramendës i çmimeve të ushqimeve bazë.

“Është pikërisht varfëria, ajo që ua bëri të padurueshme jetën 5 fatkeqëve dhe i detyroi të hypnin në varkën e vdekjes natën 19 tetorit. Partia Socialiste është e angazhuar që në programin e saj të ri qeverisës, shqiptarët të gjejnë instrumentin për t’u ndarë një herë e mirë nga varfëria”- tha ai.

Indeksi GINI

(Indeksi GINI është indeksi që mat shkallën e shpërdarjes së pasurisë së një vendi midis qytetarëve të tij. Ky indeks, teorikisht mund të jetë nga 0 në 1. Në literaturë gjendet edhe nga 0 në 100.Nëse indeksi GINI është 0 kjo tregon që pasuria e një vendi është e ndarë në mënyrë të barabartë midis qytetarëve të një vendi. Matematikisht, indeksi mund të jetë 1 (ose 100),nëse e gjithë pasuria e një vend i takon vetëm një qytetari. Në vitin 2008 indeksi GINI në Shqipëri është 0.311 (ose 31.1). Në vitin 2005 ky indeks ka qënë 0.267 (ose 26.7).