Berbatov te Milani? Jo, te Man. Junajtid

“Kam lexuar edhe unë disa artikuj për kalim të klientit tim te Milani, por mund të them se është vetëm një zhurmë e merkatos dhe se në këtë mes nuk ka asgjë reale, të mbështetur në fakte”. Menaxheri Emil Dantçev i sulmuesit bullgar të Mançester Junajtid, Dimitar Berbatov, përgënjeshtron interesin nga ana e kuqezinjve italianë për futbollistin që ai menaxhon. “A kemi një marrëdhënie të vështirë me Aleks Fergusonin? Nuk mundem dhe nuk dua t’i komentoj këto spekulime, bën të ditur Dantçev, i intervistuar nga ‘calciomercato.it’, por mundem të them se për momentin nuk është nevoja për asnjë takim me Fergusonin, sepse situata është e qartë: Berbatov do të qëndrojë te Mançester Junajtid”.