Berisha: Depozitat e gazit ne Gerdec do verifikohen
Kryeministri Berisha premtoi diten e djeshme se ne rast se depozitat e gazit prane fshatit Gerdec ishin vendosur ne menyre te paligjshme, ato do te hiqeshin. Por, sipas tij, me pare do te shqyrtoheshin te gjitha parametrat e vendosjes se tyre dhe me pas do te dilej me nje vendim. "Per sa u perket depozitave, do te shqyrtohen te gjitha kondicionet dhe cdo gje qe do te jete jashte tyre do te rivendoset, mbi bazen e ligjit, ne kondicione", deklaroi Berisha gjate konferences se djeshme per shtyp. Kreu i ekzekutivit tha se do te ishte Inspektorati Shteteror, ai qe do te bente kete kontroll. Per te, ky institucion do te kontrolloje jo vetem zonen e Vores, por edhe vendosjet e gazit ne te gjitha pjeset e vendit. "Nuk dua te bej ketu detyren e Inspektoratit Shteteror, por ai do te marre porosi te prera jo vetem per Voren, por per te gjitha vendndodhjet qe duhet te jene ne perputhje me standardet", theksoi kreu i qeverise, ne lidhje me detyrat e Inspektoratit Shteteror. Nga ana tjeter, Berisha theksoi se banoret e zones se tragjedise nese kane deshire te degjojne thirrjet e opozites jane te lire ta bejne, duke shtuar ketu edhe kerkesat e tyre per heqjen e depozites se gazit nga zona. "Shqiperia eshte vend i lire. Ne perpiqemi te ndihmojme njerezit ne fatkeqesi e do te bejme cdo perpjekje per t'u lehtesuar fatkeqesine. Ata qe duan te bejne politike, apo te ndjekin thirrjet e eksponenteve te caktuar te opozites, jane te lire, sepse ky eshte nje vend i lire", deklaroi Berisha ne lidhje me kerkesat e banoreve per te hequr nga zona depozitat e gazit. Kryeministri vleresoi kerkesen per heqjen e depozitave te gazit dhe tha se do te merreshin masa te menjehershme per te shmangur veprime te paligjshme. Nje grup kontrolli do te caktohet per te kryer verifikimet e pretendimeve te banoreve te zones.
F.Mejdini