Berisha: Korca e Tirana, 50% me afer njera-tjetres Qamil Xhani

Kryeministri Sali Berisha e cilesoi dje koalicionin dhe alternativen e lidershipit te Partise Socialiste per zgjedhjen vendore si "Aleanca e Betonit". Nga qyteti i Korces, ku prezantoi kandidatin e maxhorances per kryetar bashkie, Andrea Mano, kreu i qeverise ka theksuar se me 8 maj qytetaret do te ndahen nga kjo aleance bashke me sloganet e "rruges se vetme" kryesocialistit Edi Rama. Duke folur per "Aleancen e Betonit", Berisha u shpreh se "ju duhet ta keni te qarte se me kete material ndertimi nuk kam asgje, pervec se admirimit per kryeveprat qe jane ndertuar me te. Por, kur ky material perdoret per te zene pellembe per pellembe e meter per meter hapesirat e qytetareve, ai shnderrohet ne nje tiran te vertete te rrugeve e rrugicave te qyteteve tuaja. Kur ai mbisundon ne rruget, rrugicat e lagjet tuaja, nuk ka me te pameshire, nuk ka me shkaterrimtare per pronen e qytetareve sesa "betoni dhe aleanca e tij", nga e cila do te ndahemi ne 8 maj". Kryeministri shtoi se qytetareve nuk mund t'u ofrohet me vetem nje alternative dhe se Korca do te dije ta beje dallimin dhe do t'i jape pergjigjen e merituar kreut te Partise Socialiste. "Zoti Rama ka risjelle ne skenen politike shqiptare ne keto zgjedhje, hijen e vjeter te rruges se vetme dhe kerkon t'ju binde, qytetare te mencur te Korces e mbare Shqiperise, se rruga e tij e vetme, rruga e tij pa kthim, rruga e tij e vetmise qenka rruga juaj, rruga me e mire. Le t'i themi ketu se secili prej nesh, burra dhe gra ne kete salle, burra e gra te mbare Shqiperise, ka rrugen e vet dhe nuk ka nevoje per rrugen tende dhe mos tento kurre t'i marresh tjetrit rrugen, sepse cdo njeri zgjedh rruget qe do", tha Berisha. Kreu i mazhorances shtoi se qellimi i lidershipit te PS-se, Edi Rama nuk jane problemet e qytetareve, por betejat politike. "Une do t'i them para jush: Kesaj radhe vazhdoje vetem luften me "mullinjte e eres", sepse ne kete fushate une jam njeri prej jush, ndersa ju, qytetare te Korces e te mbare Shqiperise, jeni ministra, kryeministra, presidentet e mi, qe do te me udhehiqni mua drejt fitores me te thelle. Do te vendosni Andrea Manon si qytetarin tuaj te pare", tha kreu i mazhorances. Duke folur per rendesine qe kane problemet e qytetareve dhe zhvillimi i ekonomise se vendit, Berisha ka ftuar opoziten qe te votoje amnistine fiskale, duke i dhene mundesi biznesit qe te shtoje kapacitetet e tij. "Ftoj opoziten te votoje ligjin e amnistise. Te mos harroje se biznesi ka votuar e voton gjithmone per Shqiperine, se biznesi eshte gjeneratori kryesor i punesimit, i te ardhmes se qytetareve shqiptare. Ndaj, le te votojme se bashku ligjin per te amnistuar detyrimet e tyre, sepse jane ata qe me gjenine e tyre krijuese, me sakrificen e tyre, me mundimin e tyre, se bashku me reformat e qeverise, bene qe Shqiperia, nga nje vend me ekonomi te falimentuar, te qendroje sot si nje vend me nje ekonomi qe vrapon", tha kreu i mazhorances. Berisha eshte ndalur edhe ne rendesine qe kane investimet ne kete qytet. Ai ka theksuar se qeveria do te miratoje cdo projekt qe do t'i kerkohet per zhvillimin e qytetit te Korces.