Berisha: Nuk do te rriten taksat per bizneset
Nuk do te kete rritje taksat per biznesmenet e per pasoje s'do te rendohen investimet e tyre ne Shqiperi, por do te punohet fort qe edhe te varfrit te mekemben me ritme te shpejta. Angazhimi u pohua dje nga kryeministri Sali Berisha, duke i dhene keshtu pergjigje kryetarit te opozites, Edi Rama, per deklaraten e ketij te fundit se duhet te rriten taksat per bizneset. Nga Petrela ku ndodhej dje per te vizituar panairin agro-biznes-turizem te organizuar nga disa komuna kufitare te Tiranes, kreu i qeverise ka garantuar te gjithe biznesmenet, se taksat nuk do te rriten me gjithe kerkesen, qe bene kryetari i PS-se Rama. "Dua t'i garantoj bizneset se qeveria, nuk do te rrise taksat sic kerkon zoti Rama, me nje urrejtje arkaike ndaj te pasurve. Une i them atij se problemet e varferise ne sistemin e lirise nuk zgjidhen kurre duke luftuar te mekemburit, por zgjidhen duke bere cdo gje qe edhe te varfrit te behen te mekembur" tha Berisha. Kryeministri ka sqaruar se, nese rriten taksat ashtu sic pretendon kryetari i opozites, atehere me nje te rene te lapsit shkaterrohen qindra-mijera vende pune. Kryeministri shton se kjo nuk ka per te ndodhur kurre, sepse ka perenduar ajo kohe kur sulmoheshin bizneset e medha. Duke ironizuar kryetarin e PS-se per librin e botuar ditet e fundit, kryeministri Berisha tha se, Rama ben mire te merret me kujtimet e veta. Kryeministri ka kerkuar nga fermer qe te vazhdojne punen e tyre duke punuar dhe mbjelle cdo pellembe te ketij vendi, sepse vetem keshtu do te shtojne dhe rrisin te ardhurat e tyre. Kreu i qeverise vuri theksin tek mbjellja e drureve frutore, per ti 10 fishuar dhe 100 fishuar ato, te cilat jo vetem, qe zbukurojne Shqiperine, por sepse kjo eshte nje rruge e sigurt per begatine e cdo familjeje. Kryeministri ka vleresuar si te mrekullueshme prodhimet vendase, te cilat ka shtuar ai, do te gjejne shume shpejt vend ne tregun e madh sic eshte tregu i Bashkimit Evropian. "Ndaj dhe ne, duhet te bejme gjithcka, per te rritur sa me shpejt prodhimet tona te mrekullueshme. Une ju garantoj ju, se nuk ka askund prodhime me te shijshme sesa prodhimet e kesaj toke. Ullinj prodhohen ne shume vende, por ullinj te shijshme si te Tiranes, Mallakastres, Bregut, Beratit, Elbasanit, nuk gjenden dhe nuk prodhohen askund, ndaj dhe ne kemi tregun e garantuar" tha Berisha. Per tu ardhur ne ndihme te gjithe fermereve, kryeministri ka deklaruar se, po punohet se bashku me ministrine e bujqesise dhe nje grup te vecante, qe tu japin fermereve ato kompetenca qe te mbjellin cdo pellembe toke ne komunat dhe bashkite e tyre. Ne, tha Berisha, do t'ju vijme ne ndihme te gjithe fermereve dhe hapat e pare tashme jane hedhur, sic eshte shtrirja e infrastruktures ne cdo fshat dhe ne cdo komune. Infrastruktura e mire ne cdo fshat ne cdo koder e mal, tha kryeministri do te beje qe Shqiperia te jete nje vend i kerkuar nga turistet ne cdo skaj te tij. "Deri me sot ne marrim rreth 3.5 milion turiste dhe vizitore, qe normalisht drejtohen drejt detit, se nuk kemi pasur infrastrukture, por ju garantoj se nje fluks po kaq i madh, do te drejtohen drejt komunave, fshatrave, kodrave dhe maleve tona. Ndaj dhe le te perpiqemi ne te zhvillojme potencialet turistike te zonave tona", tha Berisha.