Berisha: PS, manipulon me vdekjen
Akuza te forta te kreut te ekzekutivit, Berisha qe nga Vora ne drejtim te opozites socialiste. Duke deklaruar se "opozita eshte nihiliste dhe manipulatore e dhimbjes njerezore", ai eshte shprehur se e vetmja alternative per te majten, eshte blofi. Kryeministri Berisha, zhvilloi dje nje takim me banoret e Vores, gjate te cilit beri nje vizite ne familjen e te ndjerit, qe humbi jeten ne tragjedine e Gerdecit, Reshit Krujes. Gjate ketij takimi, ai deklaroi se qeveria do te jape mbeshtetjen maksimale qe drejtesia te vihet ne vend per tragjedine e Gerdecit, e cila u mori jeten 26 qytetareve. Po keshtu, kryeministri siguroi pjesetaret e familjes Kruja, per perpjekjet e tij maksimale ne mbeshtetje te interesave te tyre, duke shprehur angazhimin se qeveria ne bashkepunim me pushtetin lokal, do te jete gjithnje prane tyre. Nga ana e saj, bashkeshortja e te ndjerit Kruja, e falenderoi kreun e qeverise per kujdesin e qeverise dhe mbeshtetjen ne momentet e veshtira qe u gjenden banoret e kesaj zone. Bashkeshortja e te ndjerit Reshit Kruja, kerkoi nje ndihme te menjehershme per vajzat e saj, te cilat ndiqnin universitetin, nje kompjuter ne shtepine e saj, i cili iu premtua menjehere nga kryeministri Berisha dhe deputeti Patozi, i cili shprehu gatishmerine qe nje kompjuter do t'i shkonte kesaj familjeje, menjehere ne ditet e ardhshme. Gjate takimit me banoret e kesaj zone, kryeministri Berisha deklaroi se opozita qe ka sot mazhoranca perball, eshte e afte te manipuloje edhe me shpirtrat e te vdekurve dhe kete e kane provuar vete banoret e Vores. "Ju e provuat me shume se kushdo tjeter kete alternative, kur opozitaret u perpoqen duke manipuluar shpirtrat e te vdekurve tuaj per karriget e tyre, por ju, burra dhe gra fisnike, iu treguat vendin atyre", deklaroi Berisha gjate takimit me qytetaret e kesaj zone. Sipas Berishes, prapa opozites se sotme qendron alternativa e nihilizmit, alternativa e mohimit, alternativa e blofeve, alternativa ne baze te se ciles, Shqiperia meriton cdo te keqe. "Alternativa e tyre eshte alternativa e blofeve, alternativa e shpifjeve dhe trillimeve, alternativa me te cilen deklarojne te vdekurit ne aksident, si te pushkatuar nga qeveria, alternativa ne te cilen premtojne ndalimin e rritjes se rrogave", theksoi kreu i qeverise. Sipas tij, nuk ka opozite ne bote, e cila te mos doje integrimin e vendit ne Bashkimin Evropian dhe ne NATO. Po keshtu sipas Berishes, eshte e pajustifikueshme qe opozita e nje vendi te jete kunder rritjes se pagave dhe te pensioneve. "Une programin tim, e kam te thjeshte, e kam bazuar dhe do ta bazoj tek ato cfare ju interesojne me teper juve", deklaroi Berisha, duke shtuar se edhe programi i mandatit te dyte qeveritare, perqendrohet te interesat e qytetareve. Rritja e pagave eshte dhe do te mbetet perparesi madhore e kesaj qeverie. Njeheresh Berisha iu premtoi se vitin e pare te mandatit te dyte, qytetaret e Vores dhe te mbare Shqiperise, do te levizin pa viza ne mbare Evropen.