Berisha: Pronaret do kthejne pronat
Berisha ka vendosur te prapesoje vendimet e qeverisjes vendore, ne te cilat jane dhene pa kriter ambiente publike qytetase, ambientet shkollore, nen argumentin e kthimit te prones. Kreu i ekzekutivit akuzoi dje, ne mbledhjen e qeverise, kreret vendore se kane abuzuar me shperndarjen e pronave. Sipas Berishes, ne menyre te padrejte dhe ne kundershtim me ligjin jane kthyer siperfaqe toke, te cilat sot jane pjese e hapesires publike si lulishte dhe institucione arsimore. "Ne kundershtim flagrant me ligjin jane kthyer siperfaqe dhe objekte te pakthyeshme, shkolla dhe institucione te sistemit arsimor, apo lulishtet e qyteteve dhe kjo faktikisht po krijon veshtiresi shume te medha", deklaroi Berisha dje ne mbledhjen e qeverise, duke theksuar se kjo situate krijon probleme te medha me procesin e kthimit dhe kompensimit te trojeve. Ne kuader te ketyre abuzimeve te bera me pronen, Berisha theksoi se te gjithe ata qe kane bere falsifikime te tilla duhet te perballen me ligjin. "Te gjitha veprimet e kryera ne thyerje te ligjeve duhet te shkojne te perballen me ligjin, sepse te gjitha kane ne baze interesin e xhepit. Kjo nuk behet nga padija. Do te merret i gjithe historiku, te pergatiten dosjet dhe te dorezohen ne prokurori", paralajmeroi Berisha. Sipas tij, tashme Prokuroria e Pergjithshme duhet te jete e gatshme te hape ceshtjesh penale per falsifikim dokumentesh per ceshtje pronesie. Kryeministri Berisha ftoi edhe opoziten te behej pjese e ketij procesi, duke parashikuar edhe amendimin e Kodit Civil, qe te krijohet edhe dispozita e denimit per vjedhje ne rast se eshte abuzuar me pronen.
Ne kuader te transparences me procesin e kthimit dhe kompensimit te prones, Berisha theksoi se ne amendimet qe do t'i behen ketij ligji duhet te ndahet qarte njohja e pronesise nga e drejta e kompensimit, pasi, sipas tij, jo cdo prone qe njihet mund te kompensohet. Sipas Berishes, kompensimi i prones duhet te behet ne perputhje me planin rregullues te qytetit. "Nuk mund t`i kthehet lulishtja e qytetit pronarit te saj, vijoi Kryeministri, derisa Plani i Rregullimit te qytetit te mos e percaktoje ndryshe. Ne rast se plani i rregullimit te qytetit e percakton ate si zone ndertimi, automatikisht pronari fiton te drejten e pronesise se truallit", deklaroi Berisha. Sipas tij, nese Plani i Rregullimit te qytetit e njeh siperfaqe te gjelber, atehere ajo do te kompensohet.
Kryeministri Berisha deklaroi se duhet te marr fund procesi i bllokimit te ndertimit te veprave publike per shkak se Agjencia e Pronave u ka njohur ish-pronareve te drejten e pronesise. Sipas Berishes, ne rast se plani i rregullimit te qytetit e percakton ate si zone ndertimi, automatikisht pronari fiton te drejten e pronesise se truallit, ne te kundert pronari kompensohet.
Berisha kerkoi bashkepunim me opoziten per amendimin e Kodit Civil, ne menyre qe vjedhja e prones te konsiderohej e tille edhe pas 10 brezash. Sipas Berishes, ne kete pike duhet marr si shembull ligji amerikan per mbrojtjen e prones, qe sanksionin denime te ashpra per pronen e vjedhur, kurdohere qe ajo te zbulohet se eshte perfituar ne kundershtim me ligjin.
Shpronesimet, cmimi sipas hartes se pronave
Cmimi i tokave, qe do te shpronesohen per interes publik, do te percaktohen ne baze te vleres se pronave ne harten e pergatitur nga Agjencia e Kthimit dhe Kompensimit te Pronave. Keshilli i Ministrave miratoi dje kriteret teknike te vleresimit dhe perllogaritjes se shperblimit te pasurive qe shpronesohen dhe zhvleresohen per interes publik. Ne ndryshimet e djeshme percaktohet se "vleresimi per truallin percaktohet, sipas cmimeve te miratuara me vendim te Keshillit te Ministrave, per trojet urbane, brenda vijes se verdhe, trojet ne qytete dhe komuna sipas ligjit te ndryshuar per "Kthimin dhe kompensimin e prones". Kjo do te thote se gjate procesit te shpronesimeve nuk do te aplikohet me metoda e vleresimit te tokave, apo trojeve sipas kategorive, por gjithcka eshte e percaktuar dhe vleresimi nuk ngelet ne dore te specialisteve, por te hartes, e cila percakton qarte cmimet sipas zonave ku ndodhet pasuria. Nderkohe, duke qene se kjo harte nuk ka marre formen perfundimtare ne te gjithe vendin, ne rastet kur mungojne cmimet e miratuara per zonat perkatese, vleresimi per truallin percaktohet si mesatare e shitblerjeve, qe ka zyra e regjistrimit te pasurive te paluajtshme. E njejta procedure do te ndiqet edhe per shpronesimin e tokave bujqesore per interes publik. Keshtu, sipas vendimit te djeshem te qeverise, edhe vleresimi per token bujqesore, token pyjore, kullotat dhe livadhet do te realizohet sipas hartes se cmimeve te prones. Nderkohe qe vleresimi per bimet drufrutore, pyjet dhe fidanishtet e perhershme percaktohet si mesatare e shitblerjeve, qe ka ZRPP-ja. Ndryshimet detyrojne Agjencia e Kthimit dhe Kompensimit te Pronave, qe brenda shtate ditesh te vendos ne dispozicion te subjekteve te interesuara cmimet qe jane miratuar me vendim te Keshillit te Ministrave.