Nenkryetari i Grupit socialist, Brace, akuzon mazhorancen
PS: "Triada" Berisha-Topi-Topalli devijon drejtesine
Partia Socialiste, duke argumentuar mungesen e pjesemarrjes ne nivel politik ne tryezen e KLD, nen kujdesin e Presidentit, u shpreh se nuk mund te marre pjese ne "qokat" e Topit. Nenkryetari i grupit, Erion Brace, tha se opozita nuk do te marre pjese ne diskutimin dhe te jape konsensusin per reformen ne drejtesi, derisa treshja Topi, Topalli, Berisha te heqin dore nga deformimi i sistemit.
Gjate nje konference per shtyp, Brace shpjegon prezencen e perfaqesuesve eksperte te partise se tij, me qellimin per t'u informuar per idete e gjykatesve, prokuroreve, pra njerezve te sistemit per reformen e sistemit te drejtesise. Sipas tij, socialistet angazhohen per reformen ne drejtesi, eshte domosdoshmeri per t'u dhene shqiptareve nje sistem te drejte dhe do te kryhet patjeter, por duke nenvizuar se kjo do te behet kur te ndaloje pushtimi institucioneve kushtetuese, permes kartoneve qe po skalisin shumicat e cilesuara te korruptuara ne Kuvend. "Kurse ne nivelin politik, ne nuk jemi te interesuar as edhe nje minute per "qokat" individuale apo shpesh kolektive te Presidentit te Republikes, zotit Topi", deklaroi Brace, duke shtuar se, "zoti Topi duhet te kuptoje qe PS nuk eshte top per te zbukuruar pemen e tij te Vitit te Ri". Per nenkryetarin e Grupit Kuvendor te PS-se, opozita nuk mund te jete dekor ne ceremonite e Presidences qofte ne Pallatin e Brigadave qofte edhe neper hotelet e Shqiperise. Gjithashtu, ai garantoi se jane per reformen ne drejtesi dhe do ta realizojne se bashku me palen tjeter politike "sapo "triada" qe kontrollon shtetit, si dikur Partia Komuniste, Berisha Topi, Topalli te heqe dore nga deformimi i ketij sistemi permes masakres mbi Kushtetuten". Partia Socialiste u perfaqesua ne kete tryeze nga dy tekniciene. Prej kohesh flitet shume nga partite nga te dyja kahet politike per reforma ne drejtesi, por deri me te tani asnje veprim konkret nuk eshte bere.
D. Dedej