Berisha: Punesimi realitet, jo genjeshter Eva Gjura

Kryeministri Berisha, ka shprehur bindjen e tij se ne zgjedhjet e 23 qershorit shqiptaret do t’i besojne alternatives se kesaj mazhorance, e cila eshte alternativa e fjales se mbajtur dhe jo alternatives se opozites, qe eshte ajo e mashtrimit dhe genjeshtres. Keto deklarata, kreu i qeverise i ka bere gjate inaugurimit te rruges Gramsh-Kodovjat. Sipas kryeministrit, per ndertimin e kesaj rruge jane investuar 500 milione leke nga buxheti i shtetit dhe nga ndertimi i saj perfitojne 13 mije banore ne komunat Kodovjat, Pishaj, duke sherbyer edhe si arterie kryesore per komunat Kukur e Lenie te ketij rrethi. Investimi i sherben zones ne zhvillim nga ndertimi i hidrocentraleve ne Kaskaden e lumit Devoll. Kryeministri theksoi faktin se qeveria eshte perqendruar me shume se ne cdo gje tjeter, ne ndertimin e nje infrastrukture moderne, sepse beson se ne kete vend nuk ka asnje pellembe toke per tu braktisur dhe investimet ne infrastrukture, krijojne mundesite te medha dhe te jashtezakonshme per te dale nga varferia, per te ndertuar nje jete ne mireqenie. Me pas Kryeministri u ndal ne investimet qe jane bere dhe do te behen gjate ketyre viteve ne rrethin e Gramshit, duke thene se ne kete rreth, qeveria do te ndertoje dhe rindertoje cdo kilometer rruge. Gjithashtu, Kryeministri Berisha u shpreh se, “ndertimi dhe rindertimi i rrugeve jane shanse dhe potenciale te medha punesimi, sepse rruga hap tregun dhe ben qe prodhimet tuaja te mund te shiten ne kohen me te shkurter dhe me koston me te ulet te transportit”. Duke u ndalur tek premtimi i bere per hapjen e 250 mije vendeve te reja pune ne kater vitet qe vijne, Kryeministri Berisha tha se, ky eshte nje premtim real dhe shume konkret. “Vetem kater vitet qe shkuan, qeveria ka kredituar me grande 42 mije familje shqiptare. Por ne qofte se ne kemi kredituar 42 mije familje dhe krijuar dhjetera mijera vende pune, kater here me shume ka investuar ne sektorin privat, ne ferma ne agro-biznes dhe ne blegtori ne vend. Gjate ketyre viteve qe shkuan ne sektorin bujqesor u punesuan ne bizneset e ketij sektori rreth 100 mije shqiptare. Ne kater vitet qe vijne ne premtojme te punesojme jo 100 mije, por 130 mije shqiptare dhe une ju jap fjalen ju, se ne do te dyfishojme grandet per Gramshin dhe mbare Shqiperine, per fermeret e Gramshit dhe te mbare Shqiperise”, -u shpreh Kryeministri. Ai theksoi gjithashtu se qeveria kater vitet qe vijne do te dyfishoje grandin e saj per fermeret e Shqiperise dhe do te krijoje fermat me moderne qe vendi ka njohur. Kryeministri theksoi me tej se, “alternativa e kesaj qeverie eshte investimi dhe zhvillimi, dhe tashme keto jane te provuara, nderkohe qe perballe eshte nje alternative tjeter, e cila eshte vecse nje genjeshter”. Nje tjeter investim i madh qe do te behet ne zone eshte ndertimi Kaskades se Devollit. Krahas saj, theksoi kryeministri, “jane 9 hidrocentrale te tjera, ne ndertimin e te cilave do te punesohen te paken 8 mije punonjes”. Berisha ka garantuar kryetarin e komunes se qeveria do te investoje cdo projekt qe do te hartohet per zhvillimin e komunave dhe se ne Gramsh do te kete nje transformim te madh te infrastruktures se vendit. “Rruga Gramsh-Elbasan do te filloje brenda pak muajve ndertimin e saj dhe jo nga ajo qe ju mashtrojne ju, se do kaloje nga kodrat. Absolutisht. Ajo do jete buze liqenit dhe do te jete nje nga rruget me panoramike, do jete 10 kilometra me e shkurter”, - tha kryeministri.

Kryeministri:Kaskada e Devollit, investimi me i madh ne historine tone

Kryeministri Berisha ka bere te ditur dje nepermjet “FB”, se ka firmosur dhe nisur per ne Parlament, kontraten e modifikuar per ndertimin e kaskades se Devollit nga kompania me e madhe ne ndertimin e hidrocentraleve ne bote, Statkraft e Norvegjise. Berisha shkruan se, ky eshte aktualisht investimi me i madh ne Evrope, ne fushen e hidro-energjise dhe investimi privat me i madh ne historine e vendit tone. “Ndertimi i hidrocentraleve te Kaskades, do te punesoje 4-5 mije punetore, inxhiniere, teknike dhe punimet fillojne gjate muajve te afert qe vijne. Ne rrethin e Gramshit jane per t’u ndertuar 9 hidrocentrale, kurse ne mbare vendin, deri tani jane firmosur kontrata koncensionare per ndertimin e 362 hidrocentraleve, ne te cilat do te punesohen mbi 30 mije punetore, inxhiniere, teknike”, shkruan Berisha.